Foto: Mixail Podolyak / Ukraina prezidenti matbuot xizmati
Ukraina prezidenti ofisi maslahatchisi Mixail Podolyak Tog‘li Qorabog‘dagi so‘nggi voqealarga munosabat bildirib, Rossiyaning “tinchlikni saqlash” yoki Kollektiv xavfsizlik shartnomasi tashkiloti (KXSHT)ga a’zoligi inqirozli vaziyatda orqaga pichoq sanchish ekanini aytdi.
“Barcha postsovet mamlakatlariga navbatdagi eslatma: Rossiya har doim hammaga xiyonat qiladi. Rossiyaning 'tinchlikni saqlash' yoki 'Rossiyaga asoslangan KXSHTga a’zolik' inqirozli vaziyatda orqaga sanchilgan pichoqdir. Albatta, agar subyektivligingiz va suverenitetingizning bir qismini Rossiyaga topshirishga tayyor bo‘lmasangiz”, — dedi Podolyak.
U Rossiya bilan hech qachon shartnoma imzolash kerak emasligi, u bilan jiddiy muzokaralar olib bormaslik haqida gapirdi va Rossiyadan “tinchlikparvar kontingentlarni” qabul qilmaslikni maslahat berdi.
“Rossiya propagandasi va korrupsiyasiga eshiklarni ochmang. Rossiya bilan ’do‘stlik’ har doim shunday tugaydi”, — deya xulosa qildi Podolyak.
Tog‘li Qorabog‘dagi vaziyat
Ozarbayjon Mudofaa vazirligi Qorabog‘da konstitutsiyaviy tuzumni tiklash uchun “mahalliy aksilterror choralari”ni boshlagani haqida xabar berdi. Bu arman tomonining provokatsiyalari, jumladan, Ahmadbeyli—Fuzuli—Shusha trassasida avtomobil portlashi oqibatida politsiya xodimlarining halok bo‘lishi bilan izohlangan.
Ozarbayjon Mudofaa vazirligi armanistonlik askarlar tomonidan o‘rnatilgan minalarning portlashi oqibatida yetti nafar ozarbayjonlik harbiy halok bo‘lganini ma’lum qilgan. Pashinyan Tog‘li Qorabog‘da “harbiy operatsiya” o‘tkazish uchun Armaniston hech kimga mandat bermaganini aytgan.
“Ozarbayjon Armanistonni keng ko‘lamli harbiy harakatlarga tortmoqchi. Ozarbayjon armanlarni etnik tozalash uchun quruqlikdagi operatsiyani boshladi. Armaniston Ozarbayjon bilan Tog‘li Qorabog‘dagi vaziyat tufayli harbiy harakatlar boshlash niyatida emas”, — degan Armaniston bosh vaziri Nikol Pashinyan.
Tog‘li Qorabog‘dagi vaziyat fonida Armanistonda davlat to‘ntarishiga chaqiriqlar boshlangan. Yerevanda Qorabog‘ning berilishiga qarshi namoyishlar avj olgan. Ular “Nikol sotqin” deb hayqirgan.
Ozarbayjon “Qorabog‘dagi operatsiyaning asosiy vazifalari yakunlanish arafasida” ekani va “harbiy nishonlar allaqachon zararsizlantirilgani”ni ma’lum qilgan.
“Zamin” yangiliklarini “Odnoklassniki”da kuzatib boring![Mbappe “Real” istagiga qarshi bordi расм](/uploads/posts/2024-08/x1214a27714_c6cfb49f8f468823863f79f44d9fb6a9.webp.pagespeed.ic.w1TeqrOeyv.webp)
![Si Szinpin: “Xitoy va AQSHning butun dunyo oldida mas’uliyati bor” расм](/uploads/posts/2024-08/xa6e0e44ada_photo_2024-08-29_16-28-29-bgmksn1d.webp.pagespeed.ic._nzqkx0a-6.webp)
![«Barsa»dan jiddiy start. Flik chempionlik uchun kurashishini baralla e’lon qildi расм](/uploads/posts/2024-08/x0d7fae65ed_xwsppkj6ds43v76wzewll7fxoixurmwc.webp.pagespeed.ic._wMrS40fMp.webp)
![Bloomberg: “Mongoliyaga tashrifi chog‘ida Putinga daxlsizlik kafolatlangan” расм](/uploads/posts/2024-08/x6ffdc6a1ec_photo_2024-08-30_20-08-13-qsr_xel4.webp.pagespeed.ic.Tvb1_zwbDp.webp)
![Nazarboyevning sobiq kelini 12 yilga qamaldi расм](/uploads/posts/2024-08/x64ea57277e_photo_2024-08-30_13-02-44-cs8kkn86.webp.pagespeed.ic.tBo-YOC83I.webp)
![Shavkat Mirziyoyev Respublika onkologiya markazining yangi majmuasi bilan tanishdi расм](/uploads/posts/2024-08/xeec70f0dd9_ktp2cowg9ch01gklrvbeeu-wir3konsa.webp.pagespeed.ic.gZV6LS3m8s.webp)
![Amerikalik milliarder Ilon Mask: “AQSH iqtisodi xavf ostida” расм](/uploads/posts/2024-08/x11bceb6f75_photo_2024-08-30_18-42-27-ugqrw6wi.webp.pagespeed.ic.xykbcpJc-Q.webp)
![Shavkat Mirziyoyev Yangi O‘zbekistonni barpo etishdagi asosiy 5 ta yo‘nalish haqida gapirdi расм](/uploads/posts/2024-08/x3387957c34_2494bd5a-4904-625b-9836-c52ae6fe6d84_lists_3864.webp.pagespeed.ic.9feeITgjWZ.webp)