Qatar ukrainalik bolalarni Rossiyadan qaytarish bo‘yicha kelishuvni e’lon qildi

1 daqiqa o'qish233
Qatar ukrainalik bolalarni Rossiyadan qaytarish bo‘yicha kelishuvni e’lon qildi

Foto: Reuters

Qatar Tashqi ishlar vazirligi urush boshlanganidan keyin Rossiyaga olib ketilgan ukrainalik bolalarni o‘z oilalariga qaytarish jarayoni muvaffaqiyatli kechganini ma’lum qildi. Moskvadagi Qatar elchixonasida bolalar uchun ziyofat uyushtirildi va ular manzillarigacha kuzatib qo‘yildi, deyiladi bayonotda. Qatar TIV Rossiya va Ukraina hukumatlariga hamkorlik uchun minnatdorchilik bildirdi.

Financial Times nashrining yozishicha, Qatar Rossiya va Ukraina bilan to‘rt nafar ukrainalik bolani qaytarish bo‘yicha kelishib olgan. Gap ikki yoshdan 17 yoshgacha bo‘lgan bolalar haqida ketmoqda. Bir bola allaqachon Boltiqbo‘yi mamlakatlari va Polsha orqali Ukrainaga qaytgan. Ikkinchisi esa onasi bilan Qatar orqali uyiga ketmoqda. Yana ikki nafari shu hafta Qatar orqali Ukrainaga boradi. Qayd qilinishicha, ular Qatar va boshqa bir qancha davlatlar bu muammoni hal etish jarayonini boshlaganidan keyin Ukrainadagi oilalariga qaytgan birinchi bolalardir.

Avvalroq, Ukraina prezidenti Volodimir Zelenskiy devoni rahbari Andriy Yermak noqonuniy deportatsiya qilingan bolalar masalasi bilan Saudiya Arabistoni valiahd shahzodasi Muhammad bin Salmon, Turkiya prezidenti Rajab Toyyib Erdo‘g‘an va rossiyalik oligarx Roman Abramovich shug‘ullanayotganini aytgan edi.

Eslatib o‘tamiz, Haagadagi Xalqaro jinoyat sudi mart oyida Rossiya prezidenti Vladimir Putin va bolalar huquqlari bo‘yicha komissar Mariya Lvova-Belovani hibsga olishga order bergan edi. Ular «bolalarni Ukraina hududidan Rossiyaga noqonuniy ravishda deportatsiya qilish bilan bog‘liq harbiy jinoyat uchun javobgardir», deyiladi sud qarorida. Rossiya hukumati XJS vakolatini tan olmasligini, shuning uchun bu qaror o‘zi uchun qonuniy kuchga ega emasligini ta’kidlab kelmoqda.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?