Foto: “RЕN TV”
Rossiya prezidenti Vladimir Putinning hukmron “Yedinaya Rossiya” partiyasi a’zosi, Tobolsk shahar dumasi deputati, 46 yoshli Vladimir Yegorov o‘lik holda topildi. Bu haqda “RIA Novosti” xabar berdi.
Dastlabki ma’lumotlarga ko‘ra, deputat Tobolsk shahridagi Kedrovaya ko‘chasidagi uyning uchinchi qavati derazasidan tushib ketgan. Bu prezident Vladimir Putin qo‘shinlari o‘tgan fevral oyida Ukrainaga bostirib kirganidan beri Rossiyaning taniqli arboblari ishtirokidagi sirli o‘limlar seriyasining oxirgisi.
Rossiyaning 72.ru nashri voqea guvohlaridan biriga tayanib, Yegorov uchinchi qavat derazasidan yiqilib tushganini, boshqasi esa uning “yuragi bilan bog‘liq muammolar borligini” aytgan. O‘lim sababini aniqlash uchun murda yorib ko‘rilishi aytilgan.
Rossiyaning RЕN TB telekanali ham Egorov uchinchi qavat derazasidan qulagani taxmin qilinayotgani haqida xabar berdi. Tyumen viloyati bo‘yicha tergov boshqarmasi matbuot xizmati “RIA Novosti”ga ma’lum qilishicha, tergovchilar “hodisaning barcha holatlarini aniqlamoqda”.
“O‘tgan yili Yegorov Tobolskning eng boy deputatlaridan biriga aylangandi, uning daromadi 9,1 million rublni (taxminan 100,5 ming dollar) tashkil etdi”, — deb xabar beradi “RBK” .
“Zamin” yangiliklarini “Telegram”da kuzatib boring
