Gretsiya S-300 havo mudofaa tizimini Ukrainaga berishdan bosh tortdi

^{Foto: Google Images}
Gretsiya S-300 zenit-raketa komplekslarini Kiyevga topshirish niyatida emas, chunki bu mamlakat mudofaasini xavf ostiga qo‘yishi mumkin. Bu haqda 5 fevral kuni Gretsiya hukumati matbuot kotibi Pavlos Marinakis ma’lum qildi.

“Yolg‘on xabarlarga chek qo‘yilishi kerak, ayniqsa, bu mamlakat mudofaasi, uning tashqi siyosati va mamlakatning xorijdagi manfaatlari, xorijdagi obro‘-e’tibori bilan bog‘liq bo‘lsa. S-300 zenit-raketa tizimini Ukrainaga berish niyati yo‘q, men buni qat’iyan rad etaman”, — dedi u brifingda jurnalistlarga.

Marinakis qo‘shimcha qilganidek, Gretsiya hukumati hech qachon o‘z mamlakati mudofaasini xavf ostiga qo‘yadigan siyosat yuritmaydi.

Rossiya tashqi ishlar vaziri Sergey Lavrov 2022 yil dekabrida Rossiya Gretsiyaning S-300 zenit-raketa komplekslarini uchinchi davlatlarga topshirish mumkin emasligi haqidagi majburiyatlari bajarilishini diqqat bilan kuzatib borayotganini aytgan edi. “Zamin”ni Telegramʻda oʻqing!