19:34 / 19.08.2016
5 919

Sisiliya bo‘g‘ozida 10 avgustdan buyon 730dan ortiq muhojir qutqarildi

Sisiliya bo‘g‘ozida 10 avgustdan buyon 730dan ortiq muhojir qutqarildi
10-17 avgust kunlari Sisiliya bo‘g‘ozida O‘rta er dengizi orqali Evropa mamlakatlariga etib olishga harakat qilgan 730dan ortiq muhojir va qochqin, ya’ni kuniga o‘rtacha 100 kishi qutqarib qolindi. Bu haqida Xalqaro migrasiya tashkilotining (XMT) rasmiy vakili Joel Millman xabari asosida “Kun” xabar berdi.
"XMT ma’lumotlariga ko‘ra, 17 avgust holatiga 266 026 muhojir dengiz orqali Evropaga etib kelgan", - deya ta’kidladi u, ularning aksariyati Gresiya va Italiyaga yo‘l olgani ma’lum qilindi.

Millmanning aytishicha, yil boshidan buyon kelgan kishilarning umumiy soni 2015 yilning xuddi shu paytiga nisbatan (354 618) kamroq. Biroq yo‘lda halok bo‘lganlar soni o‘tgan yilgi ko‘rsatkichlardan o‘tib ketgan: 2016 yilning 1 yanvaridan 18 avgustiga qadar O‘rta er dengizida 3 156 nafar kishi cho‘kib ketgan yoki bedarak yo‘qolgan, o‘tgan yili esa bu ko‘rsatkich 2 333 kishidan iborat bo‘lgan.

Berlinda joylashgan XMT tahlil markazi ma’lumotlariga ko‘ra, so‘nggi bir necha kun ichida dengizda Liviya qirg‘oqlarida to‘rt nafar, yil boshidan beri esa - umumiy hisobda 333 nafar cho‘kib ketgan kishining jasadi topilgan.

XMtda ta’kidlanishicha, dengizga cho‘kib ketgan kishilar soni bundan-da ko‘proq bo‘lishi mumkin.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Sisiliya bo‘g‘ozida 10 avgustdan buyon 730dan ortiq muhojir qutqarildi