Qirolichalar nonushtasi: malika Diana kunni qaysi taomdan boshlagan?

^{Foto: Life.ru}
Qirollik saroyida bir necha yillar davomida bosh oshpaz bo‘lib ishlagan Darren MakGreydi marhuma malika Diana nonushtaga nima yeyishni afzal ko‘rgani haqida ijtimoiy tarmoqda aytib berdi.

Oshpaz o‘zining YouTube kanalida “Uels malikasi sevib iste’mol qilgan nonushtani qanday tayyorlash kerak” nomli video joylashtirdi. Unga ko‘ra, Bukingem saroyida yashagan malika Diana nonushtaga pishirilgan loviya yeyishni yoqtirgan.

Ertalab bunday taom tayyorlash noodatiy tuyulishi mumkin, biroq pishgan loviya tarkibida juda kam miqdorda shakar va yog‘ bor. Loviya metabolizmni yaxshilovchi kletchatkalarga boy.

“Bunday taomdan keyin malika Diana sport mashqlari bilan shug‘ullanishga ketar edi”, — dedi oshpaz.

^{Foto: Marieclaire}
Darren o‘z videosida Diananing neyro-psixologik kasalligi — bulimiya haqida ham so‘z ochdi.

Bulimiya ruhiy kasallik bo‘lib, bemor haddan ortiq miqdorda ovqat iste’mol qiladi va keyin sun’iy ravishda qusish yoki kuchli parhez tutish orqali undan xalos bo‘ladi.

Oshpazning ta’kidlashicha, u Diana buyrug‘iga ko‘ra malika uchun juda ko‘p va turli xildagi taomlarni tayyorlab berishi kerak edi.

^{Foto: Marieclaire}
“Men vaziyatdan bexabar edim, oshpaz sifatida shunchaki o‘z vazifamni bajarardim. Bu yerda biror gap borligini ko‘nglim sezardi, ammo malika Diananing bulimiyaga chalingani haqida bilmas edim”, — deydi Darren.

Oshpazning so‘zlariga ko‘ra, malika Diana keyinchalik to‘g‘ri ovqatlanish tartibiga rioya etishga erishadi va sport bilan muntazam shug‘ullanib, sog‘ligiga e’tiborli bo‘lishni boshlagan. “Zamin” yangiliklarini “Telegram”da kuzatib boring