Google direktori nima uchun bir vaqtda 20 ta smartfondan foydalanishiga izoh berdi

^{Foto: Dzen}
Taniqli insonlarning telefon bilan bog‘liq turli odatlari bor: kimdir ijtimoiy tarmoqlardan umuman foydalanmaydi, kimdir esa smartfon o‘rniga oddiy telefon ishlatishni afzal ko‘radi. Google kompaniyasining bosh direktori — milliarder Sundar Pichai esa 20 ta smartfondan foydalanadi.

Jurnalistlarga bergan intervyusida Sundar ish vaqtida 20 ta uyali aloqa texnikasidan foydalanishi haqida aytib o‘tdi. Gap shundaki, Google'ning turli servislarini telefonlarning har xil markasida sinab ko‘rish kerak. Shu tariqa kompaniya turli xildagi smartfon foydalanuvchilari uchun Google xizmatlarini optimallashtirishga erishadi.

^{Foto: Europaplus}
Shuningdek, Google bosh direktori foydalanuvchilarni o‘z kiberxavfsizligiga nisbatan mas’uliyatli bo‘lishga chaqirdi. Sundar tarmoqlardagi parollarini kamdan-kam hollarda o‘zgartiradi hamda ikki faktorli autentifikatsiyaga ishonadi.

Uning aytishicha, Sundar farzandlarini smartfonlardan cheklamaydi, ammo bolalar ekran vaqtini kamaytirishga o‘zlari qaror qilgan. “Zamin” yangiliklarini “Telegram”da kuzatib boring