Eron tashqi ishlar vaziri: “Eronda demokratiya Buyuk Britaniyadagidan kuchliroq”

^{Foto: IRNA}
Eron tashqi ishlar vaziri Husayn Amirabdullohiyon Eron hukumati va tizimi xalq qo‘llab-quvvatloviga tayanishini ta’kidlab, Eron Islom Respublikasida demokratiya va inson huquqlari bugungi kunda hech shubhasiz Buyuk Britaniyadagidan ancha kuchli ekanligini ma’lum qildi. Bu haqda IRNA nashri xabar berdi.

“Agar Eronda va ayni paytda Britaniyada xalq o‘z rejimini qo‘llab-quvvatlashi bo‘yicha referendum o‘tkazilsa, shubhasiz, Britaniya mag‘lub bo‘ladi”, — degan Eron xorijiy idorasi vakili.

Eron tashqi ishlar vaziriga ko‘ra, demokratiya turli mintaqalarda turli ko‘rinishlarga ega. G‘arb va Sharqning demokratiya borasidagi tushunchalarini bir-biri bilan aslo taqqoslab bo‘lmaydi.

“Eronda demokratiya va inson huquqlarining ildizlari bizning e’tiqodlarimiz va ming yillik sivilizatsiyamizga borib taqaladi. Men sizga aniq aytamanki, bugungi kunda Eron Islom Respublikasida demokratiya va inson huquqlari Britaniyadagi demokratiya va inson huquqlaridan ancha kuchli. Agar siz bunga ishonmasangiz, sizni Eronga kelishga va saylovlarda fuqarolarning o‘z taqdirini o‘zi hal qilayotganini ko‘rishga chorlayman”, — degan Husayn Amirabdullohiyon. “Zamin” yangiliklarini “Telegram”da kuzatib boring