Turkiya politsiyasi ISHID terrorchilik tashkilotiga aloqador 3 nafar shaxsni qo‘lga oldi

^{Foto: Anadolu}
12 mart kuni Turkiya xavfsizlik kuchlari mamlakat markaziy viloyatlarida reyd o‘tkazib, ISHID terrorchiligiga tayyorgarlik ko‘rishda gumonlangan uch nafar shaxsni qo‘lga oldi. Bu haqda Anadolu nashri xabar berdi.

Mahalliy gubernatorlik bayonotida aytilishicha, gumondorlar Chorum viloyatida ISHID terrorchilik guruhiga qarshi operatsiya doirasida qo‘lga olingan. Hibsga olinganlardan ikki nafari Interpol tomonidan qizil darajadagi bildirishnoma bilan qidiruvga berilgani aniqlangan.

ISHID harakati 2013 yilda Turkiyada terrorchi tashkilot deb tan olingan. Ushbu tashkilot bilan har qanday aloqa uchun Turkiyada qamoq jazosi joriy etilgan.

2013 yildan beri Turkiyada ISHID terrorchi guruhi tomonidan bir necha bor qo‘poruvchilik harakatlari sodir etilgan. 10 ta xudkushlik hujumi va 7 ta bombali teraktda jami 300 dan ortiq turk fuqarosi halok bo‘lgan. Yuzlab odamlar yaralangan.

So‘nggi terroristik tahdidlarga qarshi turish uchun Turkiya mamlakat ichkarisida va xorijda aksilterror amaliyotlarini boshlagani xabar qilingan. “Zamin” yangiliklarini “Telegram”da kuzatib boring