AQSH sobiq prezidenti limuzini auksionga qo‘yildi (foto)

AQSH sobiq prezidentining 1965 yilda ishlab chiqarilgan tarixiy Lincoln Continental limuzini kimoshdi savdosiga qo‘yildi. Oq uydagi limuzinlarning aksariyati muzeylarda turadi, biroq bu kamdan-kam istisno holatidir, deb yozmoqda Car and Drive nashri.

^{Foto: Car and Drive}
1965 yilgi Lincoln Continental 1964—1970 yillarda Chikagoda Lemann-Peterson tomonidan ishlab chiqarilgan 500 ta limuzindan biridir. O‘shanda federal hukumat 15 ta mashina sotib olgan va bu avtomobil AQSHning 36-prezidenti Lindon Jonsonning administratsiyasiga topshirilgan.

^{Foto: Car and Drive}
So‘nggi ellik yil ichida sobiq prezidentlarga tegishli limuzinlar yo‘q qilingan yoki muzeyga topshirilgan. Ammo bu 6,4 metr uzunlikdagi Lincoln Continental hozirda Bring a Trailer auksionida sotilmoqda. Sotuvchi mashinani 22 yil saqlagan, shunga qaramay, u bir necha ming kilometrni bemalol bosib o‘tgan. Bugungi kunga kelib, masofa taxminan 59 546 kilometrni tashkil etadi.

^{Foto: Car and Drive}
“Mashina xuddi tosh blokdan o‘yilgandek yo‘l bo‘ylab harakatlanadi. U ancha kuchli”, — deydi sotuvchi Jon Loulor.

Vashington atrofida tez-tez xorijlik diplomatlar va maxsus mehmonlarni olib yurgan limuzin hech qanday zirhga ega emas, 7,0 litrli V8 dvigateliga ega va ortiqcha tonna yuk ko‘tarmaydi. Shu bilan birga, u asl kristall grafinli bar peshtaxtasi, shuningdek, Oq uy telefoni bilan jihozlangan.

^{Foto: Car and Drive}
Loulor 2002 yilda Linkoln avtomobilini sotib olganida, u oddiy Lemann-Peterson limuzinini sotib oldim deb o‘ylagan. Ammo yetkazib beruvchi Jonsonning 1965 yilgi inauguratsiyasidagi ruchkasi va oltin brelok solingan maxsus qutisi bilan kelganida, mashina prezidentga tegishli bo‘lganini tushungan.

^{Foto: Car and Drive} “Zamin” yangiliklarini “Vkontakti”da kuzatib boring