Foto: Google Images
Ukraina prezidenti Vladimir Zelenskiyning ta’kidlashicha, Ukraina qurolli kuchlari yetarlicha miqdordagi snaryadlar bilan Rossiya qo‘shinlarining qishki hujumini ushlab turishga muvaffaq bo‘lgan. Biroq uning so‘zlariga ko‘ra, Ukraina qurol-yarog‘ning keskin taqchilligi tufayli Rossiyaning navbatdagi hujumiga qarshilik ko‘rsata olmaydi.
Vladimir Zelenskiy CBS News telekanaliga bergan intervyusida hozir sharqiy yo‘nalishdagi vaziyat ikki-uch oy oldingiga qaraganda ancha yaxshi ekanini aytdi. Shu bilan birga, Zelenskiy Rossiya armiyasining ikkinchi hujumi, uning so‘zlariga ko‘ra, may oyining oxirida yoki iyunda sodir bo‘lishi mumkin. O‘shanda o‘q-dorilar taqchilligi tufayli pozitsiyalarni saqlab qolish qiyin bo‘ladi. Hozir Ukraina armiyasi raketaga qarshi mudofaa tizimlari va artilleriyaga juda muhtoj, dedi u.
Vladimir Zelenskiy Qo‘shma Shtatlarga Ukrainaga “milliardlab dollarlik yordam” ko‘rsatgani uchun minnatdorlik bildirdi, biroq Ukraina Qurolli kuchlari yana ta’minotga muhtojligini ta’kidladi.
“Ha, bizni juda ko‘p qo‘llab-quvvatlashmoqda. Bu bizga haqiqatan ham kerak, ayniqsa hozir juda zarur”, — deya qo‘shimcha qildi Ukraina prezidenti.
AQSH Kongressi 2023 yil oktyabr oyidan beri Ukrainaga moliyaviy yordam ko‘rsatish to‘g‘risidagi qonun loyihasini muhokama qilmoqda. 2024 yil yanvarida davom etayotgan muhokamalar tufayli Ukrainaga Amerika qurollarini yetkazib berish to‘xtatilgan edi. Ukraina tashqi ishlar vaziri Dmitriy Kulebaning aytishicha, AQSHdan yordam ko‘rsatilmagani sababli Ukraina harbiylari Avdeyevka ustidan nazoratni yo‘qotgan. Rossiya va Ukraina urushi “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Ruslar Abrams tanklarining zaif tomonini topishdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Zoir Mirzayev “Telefonsiz maktab”ga 300 mln so‘m mukofot berdi
Ispaniya va Gretsiya Kiyevga Patriot tizimlarini yetkazib berishdan bosh tortdi
Germaniyada maktab o‘quvchilari ommaviy ravishda islom dinini qabul qilmoqda
Amerikalik olimlar barcha uchun birdek foydali jismoniy faollik turini aniqladi