Foto: Getty Images
Isroil mudofaa vaziri Yoav Galant Falastinning Rafah shahridagi harbiy operatsiya HAMAS harakati mag‘lubiyatga uchramaguncha yoki garovga olingan isroilliklar qaytarilmaguncha davom etishini ma’lum qildi.
«Kecha men Isroil Mudofaa kuchlariga (SAHAL) Rafah hududiga kirishni, chegara punktini egallashni buyurdim. Bu operatsiya Rafah hududi va butun G‘azo sektorida HAMAS yo‘q qilinmaguncha yoki garovga olinganlar qaytarilmaguncha davom etadi», dedi u.
Uning ta’kidlashicha, Isroil garovga olingan isroilliklarni qutqarish uchun murosa qilishga tayyor, ammo bu variant ish bermasa, Isroil harbiylari butun G‘azo sektorida «operatsiyani kengaytiradi».
O‘z navbatida, Isroil bosh vaziri Binyamin Netanyahu hamaschilarning kechagi tinchlik tashabbuslariga javobi Isroil qo‘shinlarining Rafahda oldinga siljishini «sabotaj qilish» uchun zarur ekanligini ta’kidladi. Uning so‘zlariga ko‘ra, Rafahdagi operatsiya boshqa narsalar qatori, garovga olinganlarni ozod qilish uchun ham zarur, chunki, bosh vazirning so‘zlariga ko‘ra, kelishuv bitimini tuzish uchun hamaschilarga harbiy bosim o‘tkazish kerak.
Uning aniqlik kiritishicha, harbiy kampaniyaga parallel ravishda Isroil HAMAS bilan muzokaralarni davom ettirmoqda. U Qohiradagi isroillik muzokarachilarga Isroil shartlariga qat’iy rioya qilishni buyurgan. Shuningdek, u Rafah nazorat-o‘tkazish punkti ustidan nazorat o‘rnatilishini anklavdagi HAMAS harbiy salohiyati va qudratini yo‘q qilish yo‘lidagi muhim qadam deb atadi.
Ismi oshkor etilmagan isroillik amaldor bergan ma’lumotga ko‘ra, Rafah hududidagi hozirgi operatsiya to‘liq hujumning boshlanishi emas. Uning ta’kidlashicha, bu taktik ustunlikka erishish va muzokaralar jarayoni bilan bog‘liq holda hamaschilarga bosim o‘tkazish uchun mo‘ljallangan «juda cheklangan» operatsiya.
Ayni paytda bir qator davlatlar Isroilning Rafahga hujumiga qarshi chiqmoqda. Jumladan, Germaniya tashqi ishlar vaziri Annalena Berbok u yerda keng ko‘lamli hujum harakatlariga yo‘l qo‘yilmasligini, hududdagi bir million falastinlikni himoya qilish, gumanitar yordam yetkazib berish uchun Rafah va Kerem Shalom nazorat-o‘tkazish punktlarini qayta ochish zarurligini aytdi.
Turkiya Tashqi ishlar vazirligi matbuot kotibi O‘nju Kecheli «Netanyahu hukumati vijdonan harakat qilmayapti» va Rafah hujumi butun dunyoga ta’sir qilishini aytdi. «Isroil G‘azo sektoridagi Rafah o‘tish joyidan zudlik bilan chekinishi kerak», deb qo‘shimcha qildi u.
AQSH Davlat departamenti Oq uyning garovga olinganlar bo‘yicha kelishuvga erishish va o‘t ochishni to‘xtatish ushbu sharoitda eng yaxshi yo‘l ekanligi haqidagi pozitsiyasini yana bir bor ta’kidladi.
Shuningdek, Misr ham Isroilni Rafahdagi hujumni to‘xtatishga va muzokaralar uchun ko‘proq vaqt berishga chaqirgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
“Roma” Shomurodov uchun yana 8 million yevro xarajat qiladi!
O‘zbekiston sobiq bosh prokurorining qidiruvdagi o‘g‘li Dubayda 7,9 mln dollarlik ko‘chmas mulkka egalik qiladi
Shimoliy Koreya yangi ko‘rsatkichlarga ega ballistik raketani sinovdan o‘tkazdi
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?
Pnevmatik qurollarni o‘z ixtiyori bilan topshirganlar javobgarlikdan ozod etiladi
Jizzaxda uchta yuk mashinasi ishtirokida YTH sodir bo‘ldi
“Umra” ziyoratiga borib kelish tartibi takomillashtiriladi