Putin: Rossiya YAIM bo‘yicha Yaponiya va Germaniyani ortda qoldirdi

Rossiya 2023 yilda iqtisod hajmi bo‘yicha allaqachon Yaponiya va Germaniyani ortda qoldirdi, dedi Rossiya prezidenti Vladimir Putin Peterburg xalqaro iqtisodiy forumining yalpi majlisida.

"Jahon bankining yangilangan (aniqlashtirilgan) hisob-kitoblariga ko‘ra, o‘tgan yilda Rossiya yalpi ichki mahsulot hajmi bo‘yicha dunyoda Yaponiyadan o‘zib, to‘rtinchi o‘ringa ko‘tarilgan”, — dedi Rossiya prezidenti.

"Ammo shuni ta’kidlashni istardimki, gap, albatta, YAIMni baholash va hisoblash tizimlarida emas, hatto to‘rtinchi o‘ringa rasman kirishda ham emas. Rossiya, Germaniya, Yaponiya natijalari bir-biriga juda yaqin, farq kichik. Lekin yetakchilik pozitsiyalarini doimiy ravishda tasdiqlab va mustahkamlab turish kerakligini tushunamiz. Chunki boshqalar ham bir joyda turgani yo‘q", - dedi Putin.

Peterburg xalqaro iqtisodiy forumi (PXIF) 5-8 iyun kunlari bo‘lib o‘tmoqda va unda 136 ta davlatdan 20 mingga yaqin ishtirokchilar qatnashmoqda. PXIF — 1997 yildan buyon o‘tkazib kelinmoqda va dunyoning eng yirik iqtisodiy anjumanlaridan biriga aylangan. “Zamin”ni Telegramʻda oʻqing!