Oxirgi ma’lumotlarga ko‘ra, Makkada Haj vaqtida halok bo‘lgan ziyoratchilar soni ming kishidan oshgan. Bu haqda AFP xabar berdi.
O‘lganlar sonining ko‘payishiga havo haroratining 50 darajadan oshib ketgani sabab bo‘lgani aytilmoqda.
Qayd etilishicha, minglab insonlar Haj ziyoratiga kiruvchi Arofat tog‘ida turganida quyosh urishi qurboni bo‘lgan. Ko‘pchilik shifoxonaga yotqizilgan.
Saudiya Arabistoni Sog‘liqni saqlash vazirligi ziyoratchilarga quyosh ta’siri ostida qolmaslikni, ko‘p miqdorda suv ichishni va havo haroratining eng yuqori cho‘qqilarida imkon qadar pana joylarda bo‘lishni tavsiya qilgan.
Xabarga ko‘ra, halok bo‘lganlar orasida misrliklar ko‘pchilikni tashkil qiladi. Shuningdek, Tunis, Iordaniya, Eron, Senegal, Indoneziya va boshqa mamlakatlar fuqarolari bor.
Bu yil butun dunyodan 1 million 800 mingdan ortiq ziyoratchi Makkaga Haj ziyorati uchun borgan. O‘tgan yili iyun oyi oxiridagi Haj ziyorati chog‘ida jazirama va tashnalik tufayli kamida 240 kishi halok bo‘lgan edi.
Saudiya Arabistonidagi g‘ayritabiiy yuqori harorat global iqlim o‘zgarishi bilan bog‘liqligi ta’kidlanmoqda. Tahlilchilarning hisob-kitoblariga ko‘ra, Makkada o‘rtacha harorat har o‘n yilda muntazam ravishda 0,4 darajaga ko‘tarilib boryapti. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekiston Turkmaniston va Turkiya bilan mudofaa sohasida hamkorlik qiladi
Zelenskiyning AQSHga tashrifi: Tramp «Ukraina endi yo‘qligi»ni aytdi
Lukashenko NATO davlatlariga yadroviy zarba berishga tayyorligini ma’lum qildi
Stoltenberg: “Rossiya NATOni qo‘rqitishga harakat qilmoqda”
Yaqin Sharq katta urush ostonasidami?
Oyatulloh Xomanaiy: “Yo‘qotishlarga qaramay, “Hizbulloh” kuchli bo‘lib qoladi”
Kuniga nechta olma yeyish mumkin? Ommabop mevaning zararli xususiyatlari
Hindiston BMTni isloh qilishga chaqirdi
