Foto: Reuters
Isroil mudofaa kuchlari (SAHAL) Falastinning Rafah shahrida HAMAS jangarilarini amalda «deyarli butkul yo‘q qildi». Bu haqda The Jerusalem Post nashriga tayanib Interfax xabar berdi.
«Rafahdagi janglarda katta muvaffaqiyatlarga erishdik. Biz Rafahda joylashgan HAMAS brigadasini butunlay yo‘q qildik, deb ayta oladigan paytga yaqinlashmoqdamiz», dedi Isroil armiyasi bosh shtabi boshlig‘i Xersi Xalevi.
Xalevi so‘zlariga ko‘ra, harbiylar ko‘plab infratuzilma obyektlarini yo‘q qilgan va «ko‘plab terrorchilarni o‘ldirgan».
24 iyun kuni Knessetda so‘zlagan Isroil bosh vaziri Binyamin Netanyahu yana bir bor «Isroil garovga olinganlarning barchasini qaytarmaguncha urushni tugatmaydi», dedi.
«HAMAS guruhini yo‘q qilmagunimizcha va janubdagi odamlarni uylariga qaytarmagunimizcha urushni to‘xtatmaymiz», dedi u.
Shu bilan birga, Isroil bosh vaziri avvalroq HAMAS tomonidan garovga olingan bir qator odamlarni qaytarish evaziga G‘azodagi jangovar harakatlarni vaqtincha to‘xtatishga tayyorligini bildirgan edi.
Eslatib o‘tamiz, joriy yilning 7 may kuni Isroil armiyasi Misr bilan chegaradosh Rafah shahrida harbiy operatsiya boshladi. Bu shahar HAMAS guruhining so‘nggi tayanchi sanaladi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lionel Messi: "Mendagi bu xarakter farzandlarimga xam o‘tgan"
Turkiya Ukraina masalasida vositachilik qilishga tayyorligini ma’lum qildi
Andrey Pyatnitskiy: "Terma jamoalarning o‘yinlaridan ko‘rsa bo‘ladiki, o‘zbek futboli yuqori saviyaga ko‘tarilmoqda"
Disk churrasi: ommalashayotgan ushbu kasallikni 1 kunda qanday yengish mumkin?
Rossiya va Ukraina «90 ga 90» formulasi bo‘yicha asirlar almashdi
Yoz jaziramasida qanday mahsulotlarni yeyish tavsiya etilmaydi?
Eron prezidentligi uchun to‘rt nomzod kurashmoqda
Qozog‘iston amaldor va harbiylarga qimor o‘ynashni taqiqlamoqchi
