![Rossiyada yil boshidan buyon narxlarning eng kuchli oshishi kuzatilmoqda](/uploads/posts/2024-06/xc6e9fde701_sluqkxqkwk0b42vgcxpp6p7uwwu49tzh.webp.pagespeed.ic.WmWqIIut6o.webp)
Foto: vedomosti.ru
Rublning barqaror kursi hamda Markaziy bankning asosiy foiz stavkasini keskin oshirish bilan narxlarning keskin oshishiga qarshi kurashayotganiga qaramasdan Rossiyadagi inflyatsiya tezlashmoqda.
Rosstatning ma’lum qilishicha, 18 iyundan 24 iyungacha iste’mol narxlari indeksi 0,22 foizga oshgan — bu yil boshidan buyon rekord kattalik bo‘lib, yillik ifodada inflyatsiya so‘ngi 15 oydagi eng yuqori qiymat bo‘lmish 8,61 foizga yetgan. Oziq-ovqat infliyatsiyasi amalda ikki xonali raqamga aylangan: oziq-ovqat mahsulotlari uchun narxlarning yillik o‘sishi 9,84 foizga, meva va sabzavotlarga esa 20 foizdan oshgan.
Yil boshidan buyon mol go‘shti 7,2 foizga, qo‘y go‘shti 18,8 foizga, olmalar 29,4 foizga, karam 35,1 foizga, sabzi 34 foizga qimmatlashgan. Inflyatsiya rekordchisi esa kartoshka bo‘lgan. So‘nggi hafta ichida uning narxi 7,6 foizga, yil boshidan buyon esa 82,5 foizga oshgan.
Qurilish materiallari va aviachiptalar narxi ham shiddatli o‘smoqda: yil boshidan buyon taxta va taxtadan yasalgan plitalar mos ravishda 10,7 va 14,4 foizga oshgan. Samolyotlarning ekonom klassi aviachiptalari esa 23,3 foizga oshgan.
«Inflyatsiya Markaziy bank mo‘ljali yonidan o‘tib ketmoqda», — degan «Astra FM»ning investitsiyalar bo‘yicha direktori Dmitriy Polevoy: Hali yarim yil bo‘lmasdan narxlar 3,82 foizga oshib bo‘ldi, Markaziy bank esa dekabr oyiga borib 4,3–4,8 foiz oshishni taxmin qilayotgan edi.
«Benzin narxlarining o‘sishi tezlashgan ayniqsa xavotirga soluvchi tendensiya bo‘lmoqda», — degan «Alfa-bank» bosh iqtisodchisi Nataliya Orlova. Rosstat ma’lumotlariga ko‘ra, o‘tgan hafta ichida AYOQSHlarda narxlar 0,41 foizga oshgan. Bu esa 2023 yilning kuzidagi yoqilg‘i krizisidan buyon maksimal kattalik. Ukraina dronlarining Rossiyaning eng yirik neftni qayta ishlash zavodlariga bergan zarbalari seriyasidan so‘ng neftchilar yoqilg‘i ishlab chiqarish rejasidan ortda qolishmoqda: ular iyun oyida ishlab chiqarishni bor-yo‘g‘i 2 foizga oshira olishgan va neft bazalarida to‘plangan zaxiralarni sarflashmoqda, deyishgan «Kommersant» nashriga vaziyatdan xabardor manbalar.
Qimmatlashayotgan benzin o‘z ortidan «tovarlarning keng doirasi»ni tortib ketishi mumkin, deya xavotirlanadi Orlova. Bunga javoban Markaziy bank yana asosiy stavkani oshirishi mumkin, u hozir 16 foiz darajasida va bu urushning dastlabki oylaridan buyon maksimal darajada, deyishmoqda Rosbank tahlilchilari. Ularning prognoziga ko‘ra, Markaziy bankning iyul oyidagi yig‘ilishida asosiy stavka 18 foizga ko‘tarilishi mumkin, inflyatsiya tezlashishda davom etadigan bo‘lsa, 20 foiz darajasida ham belgilanishi ehtimoli bor. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![Madrimov “dahshatli jangda” yengilmas Kroufordni qanday yutishi mumkin? расм](/uploads/posts/2024-06/xe1dd816e2f_a89bb588d0422996c7c2684958de93db.webp.pagespeed.ic.aBNmFqkanp.webp)
Madrimov “dahshatli jangda” yengilmas Kroufordni qanday yutishi mumkin?
![Rossiyaning Ukrainada ikki yillik urushdagi yo‘qotishlari hisoblab chiqildi расм](/uploads/posts/2024-06/x977afec7fc_3mnzt8l5s7bqnxenn7czbqrd88aabyt6.webp.pagespeed.ic._Z3RCjwoGJ.webp)
Rossiyaning Ukrainada ikki yillik urushdagi yo‘qotishlari hisoblab chiqildi
![Suzib yuruvchi qishloq – Filippindagi qabila nega bambuk taxtalarida yashashga majbur? расм](/uploads/posts/2024-06/xf81af7d2f6_gmhphviauwvdk1gzjdjmlauopkzv3bc8.webp.pagespeed.ic.c3cJTQuD3p.webp)
Suzib yuruvchi qishloq – Filippindagi qabila nega bambuk taxtalarida yashashga majbur?
![Tramp debatda Putinning Ukrainadagi urushni to‘xtatish bo‘yicha shartlarini «nomaqbul» deb atadi расм](/uploads/posts/2024-06/x04191b37b0_1xd9kmwczhstkda5xm4kzrbtmol3kshj.webp.pagespeed.ic.AMeJcbtpjC.webp)
Tramp debatda Putinning Ukrainadagi urushni to‘xtatish bo‘yicha shartlarini «nomaqbul» deb atadi
![Superliga. “So‘g‘diyona” “Dinamo”dan ustun keldi, “Qizilqum” “OKMK” ustidan g‘alaba qozondi расм](/uploads/posts/2024-06/xd7d8fe2a1f_photo_2024-06-28_21-41-03-kshlztfl.webp.pagespeed.ic.80DSzQKVO0.webp)
Superliga. “So‘g‘diyona” “Dinamo”dan ustun keldi, “Qizilqum” “OKMK” ustidan g‘alaba qozondi
![Toshkentda narkolaboratoriya tashkil etgan Ukraina va Ozarbayjon fuqarolari ushlandi расм](/uploads/posts/2024-06/xa798b63169_photo_2024-06-28_10-12-07-eebrghyu.webp.pagespeed.ic.zbPx3G9Xim.webp)
Toshkentda narkolaboratoriya tashkil etgan Ukraina va Ozarbayjon fuqarolari ushlandi
![Yevro—2024. Ispaniya Gruziya ustidan yirik hisobda g‘alaba qozondi расм](/uploads/posts/2024-07/x169be96ea9_gettyimages-2159427535-1024x1024-stgvcrzu.webp.pagespeed.ic.eG9EL6aT4s.webp)
Yevro—2024. Ispaniya Gruziya ustidan yirik hisobda g‘alaba qozondi
![Ilon Maskning sobiq rafiqasi uning muvaffaqiyat siri haqida gapirdi расм](/uploads/posts/2024-06/x589dd03cf5_musk-1ni37lpq.webp.pagespeed.ic.JBv2Z0JfWs.webp)
Ilon Maskning sobiq rafiqasi uning muvaffaqiyat siri haqida gapirdi