Foto: Mixail Metsel / TASS
Rossiya Tergov qo‘mitasi raisi Aleksandr Bastrikin Peterburg huquqiy forumida chiqish qilar ekan ko‘plab shov-shuvli bayonotlar bilan yodda qolgandi. Rossiya bosh tergovchisi, xususan, o‘lim jazosini tiklash, mamlakatda niqob taqib yurishni taqiqlash kabi takliflarni bildirdi.
Bastrikin terakt sodir etgan odamlar ko‘pi bilan bir umrlik qamoqqa hukm qilinishi, bunday insonlar umri davomida qamoqxonada kuniga uch mahal ovqatlantirilishi, ikki soat sayr qilishi, bu esa to‘g‘ri emasligini aytgandi. Bastrikin so‘zi davomida Rossiya Davlat dumasi bunday holatlarga chora ko‘rishi kerakligi, masalan, ayollar niqob taqib yurishini taqiqlash kerakligini aytdi.
«Dog‘istonda kim terakt sodir etdi? Islomistlar. Rostovdagi qamoqxonada-chi? Terrorchi-islomistlar. Davlat dumasi bunday hodisalarga reaksiya bildirishi kerak.
Siz aytayotgan narsani taqiqlash haqida Duma qonun chiqarishi kerak. Buni (niqobni) kiyish ba’zi musulmon davlatlarda taqiqlangan, lekin bizda ruxsat berilgan. Nega? Bu savolga javob berolmayman, chunki qonunchi emasman. Lekin sizning fikringizga qo‘shilaman, tezda hammasini taqiqlash kerak», degan Bastrikin niqob haqidagi savolga javoban.
Checheniston respublikasi rahbari Ramzan Qodirov rossiyalik tergovchining gaplariga munosabat bildirib, bunday bayonotlar berishda ehtiyot bo‘lish kerakligini ta’kidladi.
«Aleksandr Bastrikin Rostov va Dog‘istondagi teraktni eslab, ularning ijrochilarini «terrorchi-islomistlar» deb atadi. Aleksandr Ivanovichga bunday bayonotlarda nihoyatda ehtiyot bo‘lish kerak degan bo‘lardim. Ko‘p marta aytganman, yana takrorlayman: musulmonlar hech qachon terakt sodir qilmagan, qilishmaydi ham. Umid qilaman, Aleksandr Bastrikin bundan keyin islomni terror bilan tenglashtirmaydi.
Hech bir dinda begunoh odamlarni o‘ldirish va ommaviy qirg‘in uyushtirishga chorlov yo‘q. Dinni o‘zini istagancha ataydigan fanatiklar va shaytonlar bilan adashtirish kerak emas. Ularning qiladiganlari hech bir muqaddas kitobga — Injilga ham, Qur’onga ham, Tavrotga ham to‘g‘ri kelmaydi.
Aleksandr Bastrikin darajasidagi yuqori martabali mulozim bunday bayonotlar berishni o‘ziga ep ko‘rsa, mamlakat ijtimoiy-siyosiy hayotida uning ta’siri katta bo‘ladi», deb yozdi Qodirov o‘z kanalida. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
