Foto: JORDAN PETTITT / AP
Ukraina Qurolli kuchlari sobiq bosh qo‘mondoni Valeriy Zalujniy Britaniyadagi elchi etib tayinlanganidan so‘ng ilk bor chiqish qildi. Londonda bo‘lib o‘tgan RUSI Land Warfare Conference 2024 Qirollik mudofaa tadqiqotlari birlashgan instituti konferensiyasida u global mojarolar xavfi va G‘arb jamiyatini safarbar qilish zarurligi haqida ogohlantirdi. Zalujniy o‘z nutqi matnini 22 iyul, dushanba kuni kechqurun Telegram-kanalida e’lon qildi.
«Insoniyat navbatdagi urushni - Uchinchi jahon urushini xotirjam qabul qilishga tayyormi?» - dedi Zalujniy Birinchi va Ikkinchi jahon urushlari taxminan 60 million odamning hayotiga zomin bo‘lganini eslab. Sobiq bosh qo‘mondon fikricha, ukrainaliklar Rossiya bilan 10 yillik urush - Rossiya Qrim va Donbassga 2014 yilda kirib kelgan paytdan to 2022 yilda to‘liq miqyosli mojaro boshlanishiga qadar bo‘lgan tajribasini bo‘lishishi kerak.
Ukraina kurashining tajribasi «tinchlik yo‘lini qidirayotgan har bir kishi uchun foydali bo‘ladi», dedi u. «Biz insoniyatga nima bo‘layotganini va insoniyat nimaga tayyor bo‘lishi kerakligini aytishimiz kerak, - dedi Zalujniy. - Erkin va demokratik davlatlar hamda ularning hukumatlari uyg‘onib, o‘z fuqarolari va mamlakatlarini qanday himoya qilish haqida o‘ylashlari kerak».
Zamonaviy urushlar qanday xarakterga ega?
Ukraina Qurolli kuchlari sobiq bosh qo‘mondoni so‘zlariga ko‘ra, urushlarga yo‘l qo‘ymaslik kerak, ammo agar ular boshlansa, tayyor bo‘lish kerak. «Ehtimol, eng qiyin va muhim tarkibiy qism jamiyatning hokimiyat va xalq o‘rtasidagi halol va shaffof muloqotga asoslangan tayyorgarligidir. Jamiyat omon qolish uchun bir qator erkinliklardan vaqtincha voz kechishga rozi bo‘lishi kerak. Zamonaviy urushlar, afsuski, total xarakterga ega. Ular nafaqat armiya, balki butun jamiyatning ham sa’y-harakatlarini talab qiladi», dedi u.
Zalujniy o‘z nutqida Rossiya va Ukraina o‘rtasida hozirgi mojarodagi jangovar harakatlar jarayonida o‘zgarishlar «XXI asrda urushlar va urush san’atining chizmalarini aniqlab beradi», deb ta’kidladi. Uning so‘zlariga ko‘ra, gap dronlardan foydalanishda emas, balki dushmanga qarshi kurashish uchun umuman innovatsion texnologiyalarni qo‘llashda. Shu bilan birga, Zalujniyning fikricha, ushbu bosqichda jangovar harakatlarda tomonlar faqatgina texnologik resurslarga ega bo‘lmaydi va «yagona yo‘l jangovar harakatlarda ishtirok etuvchi inson resurslari sonini ko‘paytirish bo‘lishi mumkin».
To‘liq miqyosli urushning birinchi bosqichida Ukraina Qurolli kuchlariga qo‘mondonlik qilgan Valeriy Zalujniy 2024 yil fevral oyida bosh qo‘mondonlik lavozimidan ozod qilindi va may oyida u harbiy xizmatdan bo‘shatilib, Britaniyaga elchi etib tayinlandi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Terens Krouford: "Mening bor e’tiborim bir narsaga qaratilgan"
Ozish uchun yordam beradigan 4 ta hamyonbop mahsulot
AQSHdagi Falastin tarafdorlari Netanyaxu tashrifiga qarshi namoyish uyushtirishmoqchi
Dunyodagi eng badavlat kuyov Anant Ambani qanday kasallikdan aziyat chekadi?
Messini, Xavini va meni yo‘qotib, “Barsa” katta xato qildi
Namangan hokimi xorijda ishlayotgan yoshlarga o‘zlariga mos ish o‘rinlari taklif qildi
KXDRning chiqindi shari Janubiy Koreya prezidenti idorasiga uchib keldi
Yangi rahbar qo‘l ostida: Raqobat qo‘mitasi sezilarli faollashdi
