Moskva viloyatida qornida o‘q bo‘lgan bola dunyoga keldi (foto)

^{Foto: Moskva viloyati onalik va bolalikni himoya qilish markazi}
Moskva viloyati ona va bola salomatligi markazida neonatal jarrohlar yangi tug‘ilgan chaqaloqning qorin old devoridan pnevmatik qurol o‘qini olib tashladi.

Neonatal jarrohlik bo‘limiga qorin old devorida begona jism — pnavmatik qurol o‘qi bo‘lgan bolani ko‘chirish haqida qo‘ng‘iroq kelib tushgan.

Yangi tug‘ilgan qizaloq qoniqarli holatda tug‘ilgan. Qorin old devorini palpatsiya qilishda shifokorlar teri osti shakllanishini aniqlagan. Voqea sabablariga oydinlik kiritilar ekan, bo‘lg‘usi ona homiladorligining 30-haftasida bolaning otasi uyning hovlisida pnevmatik quroldan nishonlarga o‘q uzgan holda mashg‘ulot o‘tkazgani ma’lum bo‘lgan.

^{Foto: Moskva viloyati onalik va bolalikni himoya qilish markazi}
Baxtsiz hodisa tufayli o‘q ayolning qorniga tekkan. Ota-onalar shoshilinch tibbiy yordamga murojaat qilgan. Ultratovush tekshiruvi o‘tkazilgan, ona va bolaning hayoti va sog‘lig‘iga xavf kuzatilmagan, shoshilinch jarrohlik yordami uchun ko‘rsatmalar bo‘lmagan. Shu sababli, standart vaqt oralig‘ida rejalashtirilgan tug‘ruq to‘g‘risida qaror qabul qilingan.

^{Foto: Moskva viloyati onalik va bolalikni himoya qilish markazi}
Neonatal jarrohlar qorin bo‘shlig‘i yumshoq to‘qimalarining ultratovush tekshiruvi va rentgenografiyasini o‘tkazib, o‘q teri ostida joylashganligini aniqlagan.

"Tekshirish davomida men hamkasblarim bilan o‘q yuzada ekanligini va bolaning ichki a’zolariga zarar yetkazmaganligini, shuning uchun bolaning hayotiga hech qanday xavf tug‘dirmaganini aniqladik", — dedi neonatal jarrohlik bo‘limi mudiri, Rexviashvili Mixail Georgievich.

Bola tug‘ilgandan keyin rejalashtirilgan jarrohlik muolajasi o‘tkazilib, pnevmatik qurol o‘qi muvaffaqiyatli olib tashlangan. Operatsiyadan keyingi yara bitishi bilan ona-bola uyga yuborilgan.

^{Foto: Moskva viloyati onalik va bolalikni himoya qilish markazi} “Zamin” yangiliklarini “Odnoklassniki”da kuzatib boring