Foto: Florent Vergnes/AFP/Getty Images
«Vagner» xususiy harbiy kompaniyasining rossiyalik yollanma askarlari Malida jiddiy talafot ko‘rdi, deb xabar bermoqda G‘arb axborot agentliklari qurolli guruhlar vakillariga tayanib. 28 iyul, yakshanba kuni Reuters, AFP va AP agentliklarining xabar berishicha, Mali shimolida, Jazoir bilan chegara yaqinida Mali hukumat qo‘shinlari va ittifoqdosh «Vagner» yollanma askarlaridan iborat kolonna tuareglar ustunlik qiladigan qurolli guruhlar koalitsiyasi bilan jangda mag‘lub bo‘ldi.
Ushbu ma’lumotlarga ko‘ra, ikki kunlik jang natijasida ular Mali armiyasi va rus yollanma askarlari kolonnasini «mag‘lubiyatga uchratishdi», gap «o‘nlab» halok bo‘lganlar va yaralanganlar haqida ketyapti, deb yozadi AP. «Rossiya yollanma askarlari va Mali askarlari qochib ketishdi, - dedi bo‘lginchi qurolli guruhlarning CSP-DPA alyansi vakili Muhammad Elmauloud Ramadan. - Boshqalar taslim bo‘lishdi».
Mahalliy siyosatchi: kamida 17 kishi o‘lgan
Bundan tashqari, AFP mahalliy siyosatchining Mali armiyasi chekinishi va kamida 17 kishi o‘limi haqida xabar bergan bayonotidan iqtibos keltirmoqda. «CSP odamlari hali ham Tinzauatenda», dedi u va hukumat qo‘shinlari hamda «Vagner guruhi» yollanma askarlari «endi u yerda yo‘q»ligini qo‘shimcha qildi. Unga ko‘ra, janglar Abeybara yo‘nalishidagi janubiy hududlarda ham kuzatilgan.
Ijtimoiy tarmoqlarda tarqalayotgan videolarda harbiy kiyimdagi oq tanlilar va malilik askarlar o‘ldirilganini ko‘rish mumkin. Agar ma’lumot to‘g‘ri bo‘lsa, bu Malidagi tuareg isyonchilari tomonidan «Vagner» XHK yollanma askarlariga yetkazilgan eng katta zarardir, deb yozadi AP.
Avvalroq Mali armiyasi isyonchilar hujumida ikki askar halok bo‘lgani va 10 nafari yaralangani haqida bayonot tarqatgan edi. Shu bilan birga, rossiyalik Z-blogerlar Afrikada harbiy muxbir va «Vagner» XHK bilan bog‘liq bo‘lgan Grey Zone Telegram-kanali muallifining o‘limi haqida yozishmoqda.
«Vagner» XHK yollanma askarlari - Malida 2021 yildan beri
Rossiyalik yollanma askarlar 2021 yildan beri Malida mavjud. 2020 yilda polkovnik Assimi Goita boshchiligidagi harbiylar mamlakatda hokimiyatni qo‘lga oldi. Ular Fransiya bilan an’anaviy aloqalarni uzdilar va Rossiya Federatsiyasi bilan yaqinlashishni boshladilar, «Vagner» XHKdan yollanma askarlarni mamlakatga taklif qildilar.
Xunta o‘z oldiga butun mamlakatni, birinchi navbatda, shimoliy Kidal mintaqasini bo‘lginchi kuchlardan qaytarib olish vazifasini qo‘ygan. 2023 yilda harbiylar Kidal ustidan nazorat o‘rnatishga muvaffaq bo‘ldi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya mudofaa vazirining sobiq o‘rinbosari, general Dmitriy Bulgakov qo‘lga olindi
Parij-2024. Bugun ishtirok etadigan sportchilarimiz bilan tanishing
Timur Kapadze: "Ikkala o‘yinda ham yutishimiz mumkin edi"
O‘yinning oxirigacha bir xillikdan voz kechmagan termamiz va turnirni nari-beri yoritayotgan O‘FA
“Bunyodkor”ning sobiq bosh murabbiyini Parij Olimpiadasida 500 ming yevroga “uxlatib” ketishdi
Tomas Kruksning telefoni 40 daqiqa ichida buzib kirilgan. Qanday qilib?
"Nasaf" qaysi pozitsiyalar uchun legionerlarni jalb qilmoqchi?
Farzand ona tarbiyasiga olib berildi
