Foto: Stephen Maturen/Getty Images
AQSH sobiq prezidenti va Respublikachilar partiyasidan prezidentlikka nomzod Donald Tramp 4 sentyabr kuni demokratlar nomzodi Kamala Harris bilan jonli efirda debat qilishga rozi bo‘ldi.
Tramp o‘zining Truth Social ijtimoiy tarmog‘ida Fox News telekanali bilan debat bo‘yicha kelishib olganini yozdi. Siyosiy pozitsiyalar bo‘yicha ommaviy munozaralar Pensilvaniya shtatida o‘tkazilishi kerak.
«Muhokama jarayoni Bret Bayer va Marta Makkallum tomonidan boshqariladi. Qoidalar «Uyquchan Jo» (AQSH prezidenti Jo Bayden) bilan bo‘lgan bahsimizdagidek qoladi», deb yozdi Tramp.
Trampning aytishicha, bahs odamlar gavjum maydonda bo‘lib o‘tadi. «Ma’lumki, demokratlar mag‘lubiyatini tan olgan nomzodni norasmiy ravishda yangi nomzod bilan almashtirdi. Avval hech qachon bunday qilinmagan va men buni demokratiyaga tahdid deb bilaman. Ammo men bu «to‘ntarish» oqibatlari bilan to‘qnashishga tayyorman. Men bahsda Jo o‘rniga «aqldan ozgan Kamala» bilan tortishishga tayyorman», dedi u.
Prezidentlikka nomzodning ta’kidlashicha, Bayden bilan «jang» uchun yuzlab million dollar, vaqt va mehnat sarflagan.
«Endi ular yangi nomzodni maydonga tushirishdi. Bu adolatsizlik, lekin voqe’lik shunday. Nomzod kim bo‘lishidan qat’i nazar, ular bir xil muvaffaqiyatsiz siyosatga ega va bu 4 sentyabrda aniq bo‘ladi. 4 sentyabr kuni Kamala Harris bilan uchrashishni intiqlik bilan kutaman», dedi Tramp.
Kamala Harris hali Fox News taklifiga javob bermadi.
Fox News telekanali an’anaviy tarzda Respublikachilar partiyasini qo‘llab-quvvatlaydi.
Demokratik partiyadan prezidentlikka nomzod 19-22 avgust kunlari Chikagoda bo‘lib o‘tadigan qurultoyida rasman tasdiqlanishi kerak. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xolid Mashal: HAMAS muzokaralar olib bormaydi, yon bosmaydi va Isroilni tan olmaydi
Erdo‘g‘an: 2024 yilgi Olimpiada ochilish marosimi g‘azabga sabab bo‘ldi
Britaniyalik jurnalist o‘zbek sportchisining mag‘lubiyatidan norozi bo‘ldi
HAMAS yetakchisi Ismoil Haniyani o‘ldirishdan ko‘zlangan maqsad ochiqlandi
HAMAS yetakchisining o‘g‘li: Haniya qoni G‘azodagi bolalar qonidan ustunroq emas
“Hizbulloh” Isroil shimoliga o‘nlab raketalar bilan zarba berdi
Parij—2024. O‘zbekistonlik bokschilarning chorak finaldagi raqiblari bilan tanishing
K vitamini nima uchun kerak va uni qaysi mahsulotlardan olish mumkin?
