Kurskda 102 nafar rossiyalik harbiy asirga olindi (video)

^{Kollaj: “Daryo”}
Ukraina Xavfsizlik xizmati maxsus kuchlari Kursk viloyatida 102 nafar rossiyalik harbiyni asirga oldi. Bu haqda manbalarga tayanib, “24Kanal” xabar berdi.

Rossiyaliklar 14 avgust kuni asirga olingan. Ukraina kuchlari har tomondan betonlangan, to‘liq himoyalangan va mustahkamlangan rota tayanch punktini egallab, tozalash ishlarini olib borgan. Mazkur punktlar yerosti aloqalari, xodimlar uchun turar joy, oshxona, qurol-yarog‘ va hatto hammomga ega bo‘lgan.

“Dushman tomon taslim bo‘lmoqchi emas edi, oziq-ovqat va o‘q-dorilar ko‘p edi”, deydi Ukraina xavfsizlik xizmatidagi manba.

Xavfsizlik xizmati maxsus kuchlari Rossiya Qurolli kuchlarining 488-gvardiya motoo‘qchi polki va “Axmat” bo‘linmasining 102 nafar harbiy xizmatchisini asirga olganini tasdiqlagan.
“Zamin” yangiliklarini “Telegram”da kuzatib boring