Foto: Getty Images
Avstraliya hukumati bolalarni onlayn tahdidlardan himoya qilishga qaratilgan qonun loyihasini tayyorlamoqda. Bu haqda Reuters xabar berdi.
Mamlakatda bolaning Internet va ijtimoiy tarmoqlardan foydalanishiga ruxsat beriladigan minimal yosh belgilanishi mumkin. Qonun loyihasi 2024 yil oxirigacha qabul qilinishi rejalashtirilgan, dedi bosh vazir Entoni Albaneze.
«Biz bilamizki, ijtimoiy tarmoqlar ijtimoiy zarar keltiradi va bolalarni haqiqiy do‘stlar va haqiqiy tajribalardan mahrum qiladi. Avstraliya yoshlari yaxshilikka loyiq va men barcha avstraliyalik ota-onalarni farzandlarini himoya qilishda qo‘llab-quvvatlayman. Men bolalar gadjetlarni tashlab, futbol maydoniga, basseynga, tennis kortiga borishini istayman», dedi Albaneze.
Qonun loyihasi 14 yoshdan 16 yoshgacha bo‘lganlarni nazarda tutadi. Qonun loyihasining qabul qilinishi Avstraliyani ijtimoiy tarmoqlarda yosh cheklovlarini joriy etgan dunyodagi birinchi davlatlardan biriga aylantirishi mumkin.
Texnologiya sohasi ma’lumotlariga ko‘ra, Avstraliya dunyodagi eng ko‘p «onlayn aholiga» ega: 26 millionlik aholining 4/5 qismi ijtimoiy tarmoqlardan faol foydalanadi. Sidney universitetining 2023 yilgi tadqiqoti shuni ko‘rsatdiki, 12 yoshdan 17 yoshgacha bo‘lgan avstraliyaliklarning 3/4 qismi YouTube yoki Instagram tarmoqlarida faol.
Biroq, Avstraliya hukumatining tashabbusi raqamli huquq himoyachilarining noroziligiga sabab bo‘lmoqda. Ularning ta’kidlashicha, bu choralar onlayn faollikning yashirin shaklga o‘tishiga olib borishi mumkin.
2015 yil oxirida Yevropa Ittifoqida ham xuddi shunday taqiqni joriy etishga harakat bo‘lgan, biroq internetda voyaga yetmaganlar huquqlarining cheklanishi haqidagi shikoyatlar tufayli loyiha qabul qilinmagan edi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Qirg‘iz Respublikasi ustozi: "Biz raqibga bir qancha noqulayliklar tug‘dirdik. Bugun ularni hayron qoldira oldik"
AQSHda fermer qimmatbaho meteoritni 30 yil eshik tirgagi sifatida ishlatib kelgani ma’lum bo‘ldi
Kim qanday o‘ynadi? Milliy jamoaning dastlabki ikki o‘yiniga nazar
Isroil mudofaa vaziri: “HAMAS endi harbiy kuch sifatida mavjud emas”
32 yoshli Selena Gomes nima uchun farzand ko‘rolmasligini aytdi
Uels malikasi kimyoterapiya kursini tugatdi: “Davolanish yo‘li juda murakkab”
Kim Chen In atom quroli uchun yadroviy materiallar ishlab chiqarishni ko‘paytirishni buyurdi
Masharipov: "Endi yosh futbolchi emasmiz, ayrim bir vaziyatlarda mas’uliyatni o‘z bo‘ynimizga olib, vaziyatni o‘zgartirishimiz kerak"