«FSB» Ukraina harbiy razvedkasi agenti o‘ldirilgani haqida xabar berdi

^{Foto: Global Look Press}
Rossiya «FSB» «Ukraina Mudofaa vazirligi Bosh razvedka boshqarmasi («GUR») agenti» o‘ldirilgani haqida xabar berdi, u maxsus xizmat ma’lumotlariga ko‘ra, Sverdlovsk oblastidagi mudofaa korxonasi rahbarining mashinasini portlatish uchun «qo‘lbola portlovchi qurilmani yasagan». Bu haqda 17 sentyabr, seshanba kuni TASS davlat agentligi «FSB» Jamoatchilik bilan aloqalar markaziga asoslanib yozdi.

Kuchishlatar tuzilma rasmiylariga ko‘ra, «agent» shuningdek, «Rossiyada taqiqlangan Ukraina millatchi terrorchi tashkiloti» a’zosi bo‘lgan. «Yashirin joyga qo‘lbola portlovchi moslamani o‘rnatayotgan paytda u qurolli qarshilik ko‘rsatgan va javob o‘qlari bilan zararsizlantirilgan», — deyiladi Jamoatchilik bilan aloqalar markazi bayonotida. «FSB» hozirda «terrorchiga noqonuniy faoliyatni amalga oshirishda yordam ko‘rsatgan» shaxslar aniqlanayotganini ta’kidladi.

«FSB» urush boshidan beri kamida 10 rossiyalikni Ukraina manfaatini ko‘zlab terakt tayyorlaganlikda ayblab o‘ldirdi

«Agentstvo. Novosti» Telegram-kanali, o‘z navbatida, Rossiyaning Ukrainaga qarshi urushi boshlanganidan beri Rossiya maxsus xizmatlari Rossiya Federatsiyasining kamida 10 fuqarosini o‘ldirganligini, keyinchalik ular Ukrainaning ko‘rsatmasi bo‘yicha teraktlar tayyorlashda ayblanganini hisoblab chiqdi. Bu bahonada jami 16 kishi o‘ldirilgan - ulardan besh nafarining fuqaroligi ko‘rsatilmagan, yana biri belaruslik edi.

Ko‘pincha, Ukraina agentlari deb atalganlar Zaporijjya oblasti egallab olingan qismida (3 kishi) o‘ldirilgan. Yana bir qotillik bosib olingan «LXR» hududida sodir bo‘ldi. «FSB» ma’lumotlariga ko‘ra, barcha «agentlar» qurolli qarshilik paytida o‘ldirilgan. “Zamin” yangiliklarini “Twitter”da kuzatib boring