Foto: AP
Respublikachilar partiyasidan AQSH prezidentligiga nomzod Donald Tramp Isroil Eron tomonidan berilgan raketa hujumlariga javoban Tehrondagi yadroviy obyektlarga hujum qilishi kerakligini ma’lum qildi.
Shimoliy Karolinadagi saylovoldi mitingida chiqish qilgan siyosatchi shu orqali Jo Baydenning so‘zlariga munosabat bildirdi — AQSHning amaldagi prezidenti Isroilning Erondagi yadroviy obyektlarga hujumiga qarshi.
«Unga bu borada savol berishganida [Eron yadroviy obyektlariga hujum bo‘yicha] javob quyidagicha bo‘lishi kerak edi: avvaliga yadroviy zarbani bering, keyin esa qolgan narsadan tashvishlaning», — deydi Tramp.
Respublikachining so‘zlariga ko‘ra, Eron hukumati yaratayotgani taxmin qilinayotgan yadroviy qurol «hozirda mavjud eng katta xatar» hisoblanadi. «Axir bu sizlar zarba berishingiz kerak bo‘lgan narsa emasmi?» — deydi sobiq prezident miting ishtirokchilariga yuzlanib.
4 oktyabr kuni AQSH Davlat departamenti vakillari CNN telekanaliga Isroil hukumati Jo Bayden administratsiyasiga Eronga javob hujumini amalga oshirishni ko‘rib chiqmayotgani bo‘yicha kafolat bermaganini ma’lum qildi. AQSH bu 7 oktyabr kuni — HAMASning Isroilga uyushtirgan hujumiga bir yil to‘lishi munosabati bilan amalga oshirilishidan xavotirda.
Avvalroq AQSH Mudofaa vazirligi matbuot kotibi o‘rinbosari Sabrina Singx 3 oktyabr, payshanba kuni bo‘lib o‘tgan brifingda Qo‘shma Shtatlar hukumati Isroil bilan Eronning yirik raketa hujumiga ehtimoliy javob choralarini muvofiqlashtirayotganini ma’lum qilgandi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina harbiylari Rossiya uchun "kutilmagan xabar" bilan portlamaydigan minalar o‘rnatdi
HAMAS Tel-Avivdagi terakt uchun mas’uliyatni o‘z zimmasiga oldi
Eron oliy rahbari Yaqin Sharqni Isroilga qarshi isyon ko‘tarishga chaqirdi
Argentina Malvin (Folklend) orollarini qaytarib olmoqchi
Selena Gomes o‘zining milliarderlik maqomiga munosabat bildirdi
Mikroto‘lqinli pechda ovqat isitish sog‘liq uchun zararlimi?
Husiylar Tel Avivning chekka hududlariga hujum qildi
Dunyodagi sayohat qilish uchun eng arzon va eng qimmat davlatlar