Nepallik oʻsmir Erdagi eng baland choʻqqilarni zabt etib, rekord oʻrnatdi

^{Foto: BBC}
Nepallik oʻsmir Er yuzidagi 14 ta choʻqqini zabt etib, eng yosh alpinist sifatida jahon rekordini oʻrnatdi, deb xabar beradi BBC.

Qayd etilishicha, 18 yoshli Nima Rinji Sherp Tibetdagi Shisha Pangma togʻi choʻqqisiga 9 oktyabr kuni soat 06:05 da koʻtarilgan. Shunda qilib, u Xalqaro alpinizm federatsiyasi tomonidan 8 ming metrdan baland deya tan olingan 14 ta choʻqqiga koʻtarilgan kam sonli insonlardan biriga aylangan.

Sherp baland choʻqqilarni zabt etishni 16 yoshida boshlagan boʻlib, 8 ming metrdan baland togʻlarga chiqishga 740 kun sarflagan. 2022 yil 30 sentyabr kuni u dunyoda balandligi boʻyicha sakkizinchi oʻrinda turadigan Nepaldagi Manaslu togʻiga koʻtarilgandi.

Oʻsmir bunga qadar ham qator rekordlarni oʻrnatgan — u dunyodagi eng yosh alpinist, Himoloyning G1 va G2 choʻqqilarini zabt etgan inson, Kashmirdagi Nangaparbatga koʻtarilgan eng yosh alpinist hamda 10 soat ichida Everest va uning yaqinidagi Lxotsze choʻqqisiga chiqqan eng yosh alpinist hisoblanadi.

«Sherp» soʻzi odatda Everest hududida faoliyat yuritadigan togʻdagi yoʻlboshchilarga nisbatan ishlatilsada, aslida u Nepal togʻlarida yashovchi etnik guruhlarga tegishli.

Nina Rinjining aytishicha, u yosh sherplarga «ular shunchaki alpinist-yordamchi degan stereotiplarini engib oʻtib, birinchi toifali sportchi sifatida oʻz potentsialini ochishlariga yordam berish»ni niyat qilgan. “Zamin”ni Telegramʻda oʻqing!