Ramzan Qodirov senator Suleyman Kerimovga qonli qasos bilan tahdid qildi

^{Foto: Telegram/Ramzan Qodirov}
Checheniston etakchisi Ramzan Qodirov dogʻistonlik senator Suleyman Kerimov va Rossiya Davlat dumasining ikki deputatiga qarshi rasman qonli qasos e'lon qilishga tayyorligini aytdi. Qodirovga koʻra, ular Checheniston etakchisiga suiqasdni buyurtma qilmoqchi boʻlgan.

Ramzan Qodirov aytishicha, u Checheniston kuch bloki komandirlari va boshliqlari bilan yigʻilish oʻtkazgan. «TASS»ga koʻra, Qodirov Davlat dumasi deputatlari Bekxon Baraxoev va Rizvan Kurbanov hamda Kerimovni «Wildberries ofisidagi mojaro konteksida» tilga olgan. Ramzan Qodirov Telegramʼdagi kanalida e'lon qilgan videoda rostdan ham u oʻz nutqida Kerimov hamda ikki deputatning familiyasini tilga olgan, ammo Checheniston rahbari bu vaqtda Wildberries haqida gapirmayotgan boʻlgan.

«Agar ular buning aksini isbotlab bermasa, men rasman Baraxoev, Suleyman Kerimov va Rizvon Kurbanovga qonli qasos e'lon qilaman. Ular [Ramzan Qodirovni oʻldirishga] buyurtma qilgani, buni qanchaga amalga oshirishi mumkinligini soʻragani haqida guvohlar, odamlar bor», — deydi u.

Agentlikka koʻra, Qodirov Kerimovni Wildberries ofisidagi otishma haqida gapirganidan keyin eslab oʻtgan. «U erda biznes-vaziyat edi. Bekxon Baraxoev, Suleyman Kerimov, Rizvan Kurbanov oʻsha erda boʻlgan. Ularning rafiqasidan tortib olganlaridan boshqa bizneslari ham bor. Ular meni buyurtma qilishgan», — deya ta'kidlaydi Qodirov.

^{Suleyman Kerimov / Foto: TASS}
Moskva markazida joylashgan Wildberries ofisida 18 sentyabr kuni kunduzi otishma sodir boʻldi. Marketpleys asoschisining turmush oʻrtogʻi Vladislav Bakalchukning soʻzlariga koʻra, u ish boʻyicha uchrashuvga boʻrgan. Bakalchukka IIV xodimlari hamrohlik qilgan. Wildberries’dagilarning ma'lum qilishicha, Vladislav Bakalchuk «noqonuniy ravishda» ofisga kirishga uringan, otishmani esa uning hamrohlari boshlagan. Bakalchukning oʻzi esa otishmani ofis tomoni boshlaganini ta'kidlamoqda. Otishma oqibatida ikki nafar qoʻriqchi halok boʻlgan.

Wildberries'ga egalik qilish uchun Bakalchuklar oʻrtasidagi ziddiyat

Vladislav va Tatyana Bakalchuk oʻrtasida ajrashish jarayoni bir necha oydan beri davom etmoqda. Ushbu fonda Wildberries Russ reklama kompaniyasi bilan «raqamli savdo platformasini yaratish» uchun hamkorlik qilmoqda. RBK yozganidek, qoʻshilish natijasida «RVB» yuridik shaxsi paydo boʻldi, uning 65 foizi «Vayldberriz» MChJga va 35 foizi Russ egalik qiluvchi «Stinn» MChJga tegishli.

Vladislav Bakalchuk kompaniyalarning birlashishini reyderlik deb atadi va u biznes boshqaruvidan chetlashtirilganini aytdi. 2024 yil iyul oyida u Checheniston rahbari Ramzan Qodirov bilan uchrashdi va Wildberries «ochiq va shafqatsiz reyderlikka» uchraganini aytdi. Qodirovning soʻzlariga koʻra, Tatyana Bakalchuk «reyderlar tomonidan eri va etti farzandidan ajratib qoʻyilgan». «Er-xotinlar bir-birlarini koʻrish va hech boʻlmaganda nima boʻlayotganini muhokama qilish imkoniga ega emaslar», deb yozdi u oʻzining Telegram-kanalida va Bakalchukka yordam va'da qildi. Tatyana Bakalchukning soʻzlariga koʻra, Wildberries va Russ birlashishi oldindan rejalashtirilgan va eri Vladislav bilan kelishilgan. “Zamin” yangiliklarini “Telegram”da kuzatib boring