Foto: Depositphotos
Isroil BMTning Yaqin Sharqdagi voqealarni tekshirish komissiyasining hisobotini rad etdi.
Bir kun avval BMT komissiyasi 2023 yil 7 oktyabrda G‘azodagi urush boshlanganidan buyon ikkinchi hisobotini taqdim etdi. Hujjatda Isroil “tibbiyot xodimlariga qarshi qasddan hujumlar” sodir etayotgani, bu urush jinoyatlari va insoniyatga qarshi jinoyatlari kabi tavsiflanishi aytiladi.
Qayd etilishicha, isroillik harbiylar G‘azo sektoridagi sog‘liqni saqlash tizimini ataylab yo‘q qilishda, shuningdek, falastinlik mahbuslarga nisbatan shafqatsiz munosabatda bo‘lishda ham ayblangan.
Isroil rasmiylariga ko‘ra, so‘nggi hisobot “Isroil davlatining mavjudligini ochiqchasiga delegitimizatsiya qilish hamda uning aholisini himoya qilish huquqiga aralashish, shu bilan birga terroristik tashkilotlarning jinoyatlarini yashirishga qaratilgan yana bir urinishdir”.
Isroil tashqi ishlar vaziri Israel Kas avvalroq BMT bosh kotibi Antoniu Guterrishni persona non grata deb e’lon qilgan edi. Bunga Guterrish Eronning Isroilga uyushtirgan raketa hujumini so‘zsiz qoralamaganini sabab qilib keltirgan.
“BMT bosh kotibi Antoniu Guterrishga mamlakatga kirish taqiqlandi”, deb yozgan edi Kas X ijtimoiy tarmog‘ida.
Kas, shuningdek, Guterrishni 2023 yil 7 oktyabrda Isroilga qilingan HAMAS hujumini haligacha qoralamaganlikda va HAMASni terrorchi tashkilot deb e’lon qilishga urinmaganlikda ayblagan.
Isroil, BMT, Yaqin Sharqdagi voqealar, Tekshirish komissiyasi, Hisoboti, Rad etdi “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shifokor saraton xavfini keltirib chiqaradigan nonushtadan ogohlantirdi
«Hizbulloh» Isroilga 320 ta raketa va snaryadlar uchirdi
DeepState: RF harbiylari asirga olingan 9 ukrainalikni otib tashladi
Tadqiqot: qahva insult xavfini oshiradi, choy esa kamaytiradi
AQSHdagi yadroviy obyektlar va aviabazalar ustidan sirli dronlar uchib o‘tishni boshladi
Putin Dumaga KXDR bilan harbiy hamkorlik to‘g‘risidagi qonun loyihasini kiritdi
Sadir Japarov: “G‘arb Rossiya bilan hamkorlik mavzusida ko‘rsatma bermasligi kerak”
Shveysariyada rekord darajada kuchli lazer yaratildi
