Bayden Eronni Trampga suiqasd oqibatlari haqida ogohlantirdi

^{Foto: Olivier Douliery / AP}
AQSh prezidenti Jo Bayden Milliy xavfsizlik kengashiga Eron hukumatini Vashington Tehronning AQSh sobiq prezidenti va bu lavozimga qayta nomzod Donald Tramp hayotiga boʻlgan har qanday suiqasdga urinishini urush harakati sifatida koʻrishi haqida ogohlantirishni topshirdi. Bu haqda 11 oktyabr, juma kuni The Washington Post nashri xabar berdi.

Xavfsizlik kengashi matbuot kotibi Shon Savettning aytishicha, Bayden «barcha resurs»ni Trampni himoya qilish va razvedka idoralari unga tahdidlar haqida ma'lumot berishini ta'minlashga yoʻnaltirdi. «Biz buni milliy xavfsizlik masalasi deb hisoblaymiz va Eronni bu shafqatsiz tahdidlar uchun qattiq qoralaymiz», dedi u. «Agar Eron bizning fuqarolarimizdan biriga, jumladan, AQShga xizmat qilishda davom etayotgan yoki ilgari xizmat qilganlarga hujum qilsa, jiddiy oqibatlarga duch keladi», — deya qoʻshimcha qildi u.

Avgust oyi boshida AQSh rasmiylari Eron bilan muvofiqlashtirgan amerikalik siyosatchilarga suiqasd uyushtirish fitnasi fosh etilganini e'lon qilgan edi. Fitna ishtirokchilarining nishonlaridan biri Donald Tramp boʻlishi kerak edi. Tehron Trampga qarshi fitnaga aloqadorlik va AQShdagi saylov kampaniyasiga aralashish kabi ayblovlarni rad etdi.

AQSh va Isroil SAHALning Erondagi ehtimoliy nishonlarini muhokama qilmoqda

AQSh Mudofaa vazirligi matbuot kotibi oʻrinbosari Sabrina Singx 3 oktyabr kuni boʻlib oʻtgan brifingda Qoʻshma Shtatlar hukumati Isroil bilan Eronning yirik raketa hujumiga ehtimoliy javob choralarini muvofiqlashtirayotganini ma'lum qildi. «Ammo men ehtimoliy nishonlar qanday boʻlishi mumkinligi haqidagi tafsilotlarni muhokama qilishni oʻrinsiz va unchalik foydali emas deb hisoblayman», dedi Pentagon vakili Isroil Eron neft ob'ektlarini nishon sifatida koʻradimi, degan savolga javob berar ekan.

Avvalroq AQSh prezidenti Jo Bayden oʻz ma'muriyati Isroilning Eron neft sanoatiga ehtimoliy hujumini «muhokama qilayotganini» aytdi. Siyosatchining izohi neftning jahon narxlarida sakrashga sabab boʻldi. Londonning ICE birjasida Brent markali neft narxi sentyabr boshidan beri birinchi marta 5,04 foizga oshdi va bir barrel uchun 77,63 dollargacha koʻtarildi.

Bir kun avval Amerika etakchisi Vashington Isroilning Erondagi yadroviy inshootlarga zarba berishiga qarshi ekanini ta'kidladi. “Zamin” yangiliklarini “Telegram”da kuzatib boring