Isroil olti kunlik tanaffusdan soʻng Bayrutga hujum boshladi

^{Foto: AP Photo}
Isroil armiyasi “Hizbulloh” harakatining Bayrut chekkasida joylashgan erosti omboriga zarba berilganini e'lon qildi.

“Bir muddat avval Isroil havo kuchlari “Hizbulloh”ga tegishli strategik qurollar saqlanadigan omborga hujum qildi. U Bayrutdagi “Hizbulloh”ning asosiy tayanchi boʻlgan Dahiya tumanida joylashgan”, deyiladi Isroil armiyasi xabarida.

Isroil harbiylarining ta'kidlashicha, armiya Livandagi 140 ta nishonga zarba bergan. Bularga qurol omborlari, ishga tushirish moslamalari va boshqa “terrorchilik infratuzilmasi” kiradi.

Al Jazeera nashri “Hizbulloh” Isroil shimoliga toʻrtta raketa hujumi uyushtirganini xabar bergan. Harakatga koʻra, Isroil artilleriya pozitsiyalariga hujum qilingan. Isroil tomonining xabar berishicha, Livandan 50 ta snaryad otilgan.

23 sentyabr kuni Isroil Livanda “Shimol oʻqlari” operatsiyasi boshlanganini e'lon qilgan edi. 1 oktyabr kuni Isroil Livan janubida quruqlikdagi operatsiyasini boshlagan. Operatsiyadan maqsad evakuatsiya qilingan 60 ming isroillikning shimoldagi chegarada joylashgan aholi punktlariga xavfsiz qaytishi uchun “Hizbulloh” tahdidini bartaraf etish ekani aytilgan. “Zamin” yangiliklarini “Telegram”da kuzatib boring