Eron BMTni Isroilning mintaqadagi tajovuzini toʻxtatishga chaqirdi

^{Foto: Anadolu Agency}
Eron tashqi ishlar vaziri Abbos Aragchi BMTni Isroil agressiyasini toʻxtatishga, Gʻazo sektori va Livanga insonparvarlik yordami etkazilishini ta'minlash uchun barcha mavjud imkoniyatlardan foydalanishga chaqirdi.

IRNA Eron rasmiy axborot agentligi xabariga koʻra, Eron Tashqi ishlar vazirligi rahbari BMT bosh kotibi Antoniu Guterrish va frantsiyalik hamkasbi Jan Noel Barro bilan telefon orqali mintaqadagi vaziyatni muhokama qilgan.

Eron tashqi ishlar vaziri Guterrish bilan suhbatda BMTdan Isroil jinoyatlari va tajovuzini toʻxtatish, Livan va Gʻazoga gumanitar yordam etkazilishini ta'minlash uchun oʻz imkoniyatlaridan toʻliq foydalanishni soʻradi.

Birlashgan Millatlar Tashkiloti bosh kotibi, oʻz navbatida, Isroilning Gʻazo sektori va Livanga uyushtirgan hujumlari ortidan mintaqada keskinlik kuchayib borayotganidan xavotir bildirdi, shuningdek, urushni toʻxtatish uchun siyosiy echim topishga qaratilgan sa'y-harakatlar toʻgʻrisida ma'lum qildi.

Aragchi va uning frantsuz hamkasbi oʻrtasidagi suhbatda mintaqadagi soʻnggi voqealarga baho berildi.

Eron tashqi ishlar vaziri Livanga hujumlarni toʻxtatish muhimligini ta'kidlab, Isroilni mintaqada yangi harakatlardan tiyilish zarurligi haqida ogohlantirdi. “Zamin” yangiliklarini “Telegram”da kuzatib boring