Illustrativ foto: ChatGPT
Isroil Eronga qarshi javob zarbasiga tayyorgarlik ko‘rayotganiga oid maxfiy ma’lumotlar tarmoqlarga sizdirildi. Holat yuzasidan AQSH tergov boshladi. Bu haqda vaziyatdan xabardor manbalarga tayanib, CNN xabar berdi.
15 va 16 oktyabr sanalari bilan belgilangan hujjatlar 18 oktyabrda internetda tarqala boshlagan. Ular birinchi marta Middle East Spectator Telegram kanali tomonidan e’lon qilingan. Qog‘ozlar “o‘ta maxfiy” deb tasniflangan, ularni faqat AQSH va uning “Besh ko‘z” ittifoqchilari — Avstraliya, Kanada, Yangi Zelandiya va Buyuk Britaniya ko‘rishi mumkin.
Hujjatlarda Isroilning Eronga qarshi javob zarbasi berish uchun olib borayotgan tayyorgarligi haqida ma’lumot berilgan. U Milliy geofazoviy razvedka agentligi tomonidan tayyorlangan bo‘lib, unda Isroil o‘qlarni tashish rejalarini tuzayotgani aytilgan.
Boshqa bir hujjatdagi ma’lumotlar esa Milliy xavfsizlik agentligidan olingan. Unda Isroil harbiy-havo kuchlarining “havo-yer” toifasidagi raketalar bilan o‘tkazilgan mashqlari tasvirlangan. Hujjatlarni tarqatganlar bu Isroilning Eronga qarshi zarba berishga tayyorgarligining bir qismi bo‘lishi mumkinligini istisno etmagan.
AQSH olib borayotgan tergov doirasida, Pentagondan chiqqan deb taxmin qilinayotgan hujjatga kimlar kirish huquqiga ega bo‘lgani tekshirilmoqda. Har qanday axborot sizib chiqishi avtomatik ravishda Federal qidiruv byurosi, Pentagon va AQSH razvedka xizmatlari tomonidan birgalikda tergov o‘tkazilishiga olib keladi.
Eron 1 oktyabr kuni Isroilga keng ko‘lamli raketa hujumini amalga oshirdi. Bu Isroilning Bayrutga hujumi oqibatida Eron Islom inqilobi qo‘riqchilari korpusi general mayori Abbos Nilforushon va “Hizbulloh” yetakchisi Hasan Nasrullohning o‘limidan keyin sodir bo‘ldi. Isroil mudofaa armiyasi Eron hujumidan so‘ng “jiddiy va ahamiyatli” javob berishni va’da qildi.
Isroil, Eronga hujum qilish, Maxfiy ma’lumotlar, Tarmoqqa sizdirildi “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xonanda Ruxshona uylanmagan yigitga turmushga chiqqani haqida so‘zlab berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
22 noyabr kuni Cobalt avtomobiliga shartnoma ochilishi e’lon qilindi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Sergey Lushchan: "Navbahor" futbolchilari "Neftchi"ga o‘tyapti? Balki..."
