OAV: HAMAS harakatning yangi rahbari nomini sir saqlaydi

^{Foto: Reuters}
Falastinning HAMAS harakati a’zolari yetakchisi Yahyo Sinvar vafotidan keyin tashkilotga yetakchilik qiladigan yangi rahbar nomini oshkor etish niyatida emas. Bu haqda “Ash-Sharq al-Avsat” nashri tegishli manbalarga tayanib xabar berdi.

Nashrga ko‘ra, bu harakat ichidagi tartib va ​​hamjihatlikni saqlashga yordam beradi.

“Harakat rahbariyati siyosiy byuroning yangi rahbari shaxsi bo‘yicha eksklyuziv qaror qabul qilishga intilmoqda va harakat oldida turgan xavfsizlik muammolari tufayli uning ismini sir saqlashi mumkin”, deyiladi xabarda.

OAV xabarlariga ko‘ra, Sinvarning vorisi lavozimiga to‘rt kishi da’vogarlik qilmoqda. Ular orasida Muhammad Darvish, Xalil Xayya, Muhammad Nazzal va Xolid Mash’al bor. Aytilishicha, ikkinchi nomzod allaqachon harakat rahbari vazifasini bajaruvchi sifatida mas’uliyatni zimmasiga olgan va endilikda muzokaralar hamda mahbuslar bilan bog‘liq muammolarni hal qilishda ishtirok etayotgan asosiy tomonlar bilan barcha aloqalar uchun javobgardir.

Sinvar avgust oyida HAMAS rahbari etib tayinlangan edi. HAMASning Sinvardan avvalgi yetakchisi Ismoil Haniya Tehronda raketa hujumida halok bo‘lgandi. Sinvarning halok bo‘lani haqida xabarlar 17 oktyabr kuni ma’lum bo‘ldi.

Ertasi kuni Isroil armiyasi Falastin rahbari hayotining so‘nggi lahzalari aks etgan kadrlarni e’lon qildi. “Zamin” yangiliklarini “Facebook”da kuzatib boring