Rossiya Davlat Dumasiga «Migrant ID» deb ataluvchi hujjat – chet el fuqarosining shaxsini tasdiqlovchi, mamlakatda vaqtincha bo‘lish imkonini beruvchi elektron ma’lumot saqlash vositasini joriy qilish bo‘yicha qonun loyihasi kiritiladi. Tegishli tashabbus bilan «Novie lyudi» fraksiyasi deputatlari va rahbari Aleksey Nechayev chiqdi. Bu haqda «Vedomosti» xabar berdi.
Ta’kidlanishicha, «Migrant ID» veb-saytlardagi shaxsiy kabinetga o‘xshash tarzda ishlaydi va faqat elektron shaklda mavjud bo‘ladi. Mualliflar Rossiya hududiga kirishdan oldin «Migrant ID» rasmiylashtirishni majburiy qilishni taklif etmoqda. Mualliflarning ta’kidlashicha, yuqori malakali mutaxassis bo‘lgan chet el fuqarolari «Migrant ID»ni soddalashtirilgan tartibda olishi mumkin bo‘ladi.
«Migrant ID» uchun ariza beruvchi vaqtinchalik yashash uchun ruxsatnoma olishda talab qilinadigan ma’lumotlarni, jumladan, sudlanganlik, ma’lumoti, malakasi, tibbiy ko‘rikdan o‘tganlik va yashash muddati to‘g‘risidagi hujjatlarni taqdim etishi kerak. Agar qonun loyihasi qabul qilinsa, hujjat Rossiyadagi barcha huquqiy operatsiyalar, jumladan, uy-joy ijarasi va xizmatlarni olish uchun majburiy bo‘ladi.
«Novie lyudi» shuningdek, «Migrant ID» hujjati bo‘lmagan migrantlarga barcha to‘lovlarni taqiqlamoqchi. Migrantlar bank hisob raqamini ochishi va uyni ijaraga olish va xorijga pul o‘tkazish bo‘yicha barcha operatsiyalarni tizim yordamida amalga oshirishi kerak bo‘ladi. Tizimda rasmiy uy-joy ijarasi, ish joyi yoki soliq to‘lovi to‘g‘risidagi ma’lumotlar bo‘lmasa, migrant deportatsiya qilinadi.
Shuningdek, agar qonun kuchga kirsa, Rossiyada bo‘lib turgan barcha migrantlar 30 kun ichida «Migrant ID» olishi kerak bo‘ladi. Aks holda ular deportatsiya qilinadi, deb tushuntirdi «Novie lyudi» fraksiyasi rahbari Aleksey Nechayev. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ayrim boshqaruv servis kompaniyalari shartnomalarida asossiz shartlar belgilangani aniqlandi
Jo Bayden: “Ba’zan xotinim meni kosmosga jo‘natish bilan tahdid qiladi”
Har qanday katta yoshdagi kishi yetuk emas
Yaxshi pishgan va mazali anor tanlashga yordam beradigan tavsiyalar
Blinken Isroildan uchta muammoni hal etishni talab qildi
Erdo‘g‘on Turkiya Isroil bilan aloqalarini uzganini ma’lum qildi
Kreml Ukraina bo‘yicha muzokarada shartlar qo‘yishga urinmoqda
Pashinyan Armanistonning Mustaqillik deklaratsiyani eng katta muammo va fojia deb atadi
