Vashington Xalil ar-Rahmon Haqqoniy haqidagi ma’lumot uchun 5 mln dollar va’da qilgan edi.
ISHID terror tashkiloti «Tolibon» muvaqqat hukumatining muhojirlar ishlari bo‘yicha vaziri Xalil ar-Rahmon Haqqoniyning o‘limiga olib kelgan terakt uchun mas’uliyatni o‘z zimmasiga oldi, deb xabar berdi TRT.
Terrorchi tashkilot suiqasdning asosiy nishoni aynan Xalil ar-Rahmon Haqqoniy bo‘lganini ma’lum qilgan.
11 dekabr kuni Kobulda muhojirlar ishlari bo‘yicha vazirlik binosida ro‘y bergan portlash oqibatida vazir Haqqoniy va yana bir necha kishi halok bo‘lgandi.
Xavfsizlik tizimini aylanib o‘tgan holda vazirlik binosi ichiga kirishga muvaffaq bo‘lgan xudkush shaxs Haqqoniy qo‘riqchilari hamrohligida binodan chiqayotgan paytda beliga bog‘langan bombani portlatgan.
58 yoshli muhojirlar ishlari bo‘yicha vazir Haqqoniylar xonadonining taniqli vakillaridan biri bo‘lgan. U amaldagi ichki ishlar vaziri Sirojiddin Haqqoniyning amakisidir.
Afg‘oniston hokimiyatiga toliblar harakati kelgan 2021 yil avgust oyidan buyon mamlakatda bir necha terakt sodir etildi. Ammo vazir darajasidagi mansabdorning qo‘poruvchilik harakati qurboni bo‘lishi ilk bor kuzatilmoqda. Shunga ko‘ra ayrim tahlilchilar so‘nggi teraktni ISHIDning Haqqoniylar oilasiga qarshi urush ochgani alomati deb baholamoqda.
Xalil ar-Rahmon Haqqoniy«Tolibon» harakati uchun mablag‘ yig‘ishda muhim o‘rin tutgani, xususan, Ko‘rfaz mamlakatlari bilan yaqin aloqalarga ega bo‘lgani aytiladi.
Avvalroq Xalil ar-Rahmon Haqqoniyga qarshi suiqasdda Pokistonning qo‘li borligi haqida taxmin ilgari surilgandi.
«E’tiborli jihati, Xalil ar-Rahmon Haqqoniy suiqasdini qoralagan yagona davlat ham hozircha Pokiston bo‘lib turibdi. Pokiston Tashqi ishlar vaziri Is'hoq Dar X sahifasida bu voqeadan «chuqur hayratda ekanligi, terrorizmning har qanday ko‘rinishlarini qoralashi va Afg‘oniston muvaqqat hukumati bilan aloqada ekanligi»ni ma’lum qilgan.
Agarda avvallari Xalil ar-Rahmon Haqqoniyning birodari Jaloliddin Haqqoniy (Haqqoniy tarmog‘i asoschisi) bilan Pokiston razvedka tashkilotining aloqalari bo‘lgani hisobga olinsa, yuqoridagi suiqasddan taxminiy 2 ta xulosani keltirish mumkin: yoki «Haqqoniy tarmog‘i» hozirda Pokiston razvedkasi bilan butunlay aloqani uzgan va boshqa tashkilotlar uchun ishlayapti, yoki hokimiyat uchun ichki kurash kuchayishi sharoitidan kelib chiqilsa, bu suiqasd ishida «Tolibon» yetakchisini o‘zining qo‘li bor», – deb yozgan edi o‘zbekistonlik sharqshunos-afg‘onshunos Suhrob Bo‘ronov.
AQSH hukumati marhum Xalil ar-Rahmon Haqqoniyni Afg‘onistonda so‘nggi yigirma yilda sodir etilgan bir necha yirik teraktga aloqador deb topgan va uni hibsga olishga ko‘mak beradigan ma’lumot uchun 5 mln dollar mukofot e’lon qilgan edi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Abduqodir Husanovning transfer bahosi Ronalduniki bilan tenglashdi, navbat Messiga(mi?)
Suriyada isyonchilar Bashar Asadning otasi qabrini vayron qildi
Xorijlik mutaxassislar uchun 2024 yildagi eng yaxshi shaharlar reytingi e’lon qilindi
Konstitutsiyaviy sud: Quruvchi tashkilotlar faoliyati ustidan nazoratni kuchaytirish zarur
Ertaga Murodjon Ahmadaliyev professional boksdagi navbatdagi jangini o‘tkazadi
Olimlar umrni bir necha yilga qisqartirishi mumkin bo‘lgan mahsulotlar nomini aytdi
Qatar terma jamoasi bosh murabbiyi iste’foga chiqarildi
Toshkentda 200 ming so‘mlik qalbaki kupyuralarni yasagan shaxslar ushlandi
