Janubiy Koreyada yoʻlovchi samolyoti halokatga uchradi (video)

^{Reuters/Yonhap}
Janubiy Koreyadagi Yonhap agentligi xabar qilishicha, Jeju Air aviakompaniyasi samolyoti Bangkokdan parvoz qilgan. Mamlakat janubi-gʻarbida, Seuldan 288 km masofada boʻlgan Muan aeroportiga qoʻnish chogʻida u uchish-qoʻnish yoʻlagi tashqarisiga chiqib ketib, toʻsiqqa urilgan.

Koreya televideniesi toʻqnashuvdan keyin kuchli yongʻin chiqqani aks etgan kadrlarni namoyish etdi.

Hodisadan keyin darhol qutqaruv amaliyoti boshlangan. Ular samolyotning dum qismida boʻlgan 29 kishi halok boʻlganini xabar qilishdi. «Qurbonlar soni oshishi mumkin, jabrlanganlarning koʻpchiligi ogʻir ahvolda», — degan AFP muxbiriga oʻt oʻchirish xizmati vakili.

Bir soat oʻtib rasmiylar aviahalokat qurbonlari soni 47 kishiga etgani haqida xabar berishdi.

Milliy oʻt oʻchirish xizmati ikki kishini qutqarishning imkoni boʻlganini ma'lum qilgan: bular yoʻlovchi hamda ekipaj a'zolaridan biri. Keyinroq mahalliy rasmiylar yana bir yoʻlovchi qutqarilgani haqida xabar berishdi.

Yoʻlovchilarning aksari, 173 kishi — Janubiy Koreya fuqarolari, yana ikki nafari — Tailand fuqarolari.

Hodisa sabablari hozircha ma'lum emas. Dastlabki ma'lumotlarga koʻra, samolyot qushlar bilan toʻqnashuv tufayli boshqaruvni yoʻqotgan boʻlishi mumkin. Yonhap ma'lumotiga koʻra, shu tufayli shassini boshqarish tizimi ishlamagan. “Zamin” yangiliklarini “Telegram”da kuzatib boring