Germaniya janubida erkak ekskavatorni oʻgʻirlab ketib, politsiyachilarni jarohatladi

^{Foto: dpa/picture-alliance / dpa/Scanpix}
31 dekabr, seshanba kuni mahalliy vaqt bilan taxminan 13.30 da Baden-Vyurtemberg federal erining Gryunsfeld shahrida 38 yoshli nemis qurilish maydonchasidan ekskavatorni oʻgʻirlab ketdi. Politsiya matbuot xizmati xabariga koʻra, transport vositasini boshqarib, u qoʻshni Tauberbishofsxaym shahri tomon yoʻl boʻylab haydashdan oldin qurilish kompaniyasi binosi va bir nechta avtomobillarga zarar etkazgan.

Yoʻlda erkak ekskavator bilan bir nechta shaxsiy avtomobillarga zarar etkazgan, uch nafar politsiyachi engil jarohat olgan. Patrul mashinalari oʻgʻrini kuzatib borishdi, biroq uni toʻxtatishga harakat qilishmadi, deb xabar berdi politsiya dpa'ga.

Politsiya oʻqotar qurol ishlatishga majbur boʻldi

Tauberbishofsxaymga kirib, erkak avtomobil ta'mirlash ustaxonasi hududiga yoʻl olgan, u erda «ekskavator bilan mulkka katta zarar etkaza boshladi», deyiladi press-relizda. Ular soat 14.22 larda oʻqotar qurol yordamida uni toʻxtatishga muvaffaq boʻlishgan. Reanimatsiya choralariga qaramay, erkak voqea joyida vafot etgan.

Qayd etilishicha, yaralangan politsiyachilardan biri kasalxonaga yuborilgan va unga zarur yordam koʻrsatilib, uyiga javob berilgan.

Ekskavator oʻgʻrisining xatti-harakati ehtimoliy sabablari haqida ma'lumot berilmagan. Etkazilgan zarar miqdori aniqlanmoqda. Hozirda tergov harakatlari olib borilmoqda. “Zamin” yangiliklarini “Telegram”da kuzatib boring