Yoqutistonda havo harorati -56 darajagacha pasaydi

2025 yilning 1 yanvar tongida Yoqutistonning koʻplab aholi maskanlarida -50 darajadan past harorat qayd etildi. Xususan:

-50°S — Sangar, Yugoryonok, Ust-Maya;
-51°S — Oxotskiy Perevoz, Itikkoʻl, Ust-Mil;
-52°S — Krest-Xaljay, Namtsi;
-53°S — Pokrovsk, Amga;
-54°S — Churapcha, Batamay;
-56°S — Oymakon.

Eslatib oʻtamiz, Yoqutiston — dunyoda odam yashaydigan eng sovuq hudud. 1926 yilda geolog Obruchev Oymakonda Tselsiy boʻyicha −71,2 daraja sovuq haroratni qayd etgan.

-60 daraja sovuqda insonning himoyalanmagan yuzi salgina shabada essa soniyalar ichida muzlab qoladi, termometrdagi simob muzlaydi, aksariyat avtomobillar umuman oʻt olmaydi. “Zamin”ni Telegramʻda oʻqing!