Fransiyaning sobiq prezidenti Sarkozi ustidan sud boshlandi

Parijda Fransiyaning sobiq prezidenti Nikolya Sarkozi ustidan sud jarayoni boshlandi.

U 2000 yillarning oʻrtalarida Liviyaning sobiq prezidenti Muammar Qaddafiy bilan korruptsiyaviy til biriktirganlikda ayblanmoqda. Agar Sarkozi aybdor deb topilsa, unga 10 yilgacha qamoq jazosi tahdid solishi mumkin. Sud jarayoni uch oy davom etadi.

Tergov ma'lumotlariga koʻra, 2005 yilda Sarkozi va uning apparati Qaddafiy bilan til biriktirgan va 2006—2007 yillarda undan kamida 50 million yevro olgan, Sarkozi bu mablagʻni saylov kampaniyasini moliyalashtirish uchun ishlatgan. Buning evaziga Fransiya xalqaro maydonda izolyatsiya qilingan boʻlsa-da, Qaddafiy rejimiga xayrixohlik koʻrsatgan.

Sarkoziga Liviyada “passiv korruptsiya”, “jinoiy fitna”, “kampaniyani noqonuniy moliyalashtirish” va “davlat mablagʻlarini oʻzlashtirishni yashirish” kabi ayblovlar qoʻyilgan. Sobiq prezident oʻz aybini tan olmagan va tergov taqdim etgan hujjatlarni soxta deb atagan.

Bu Sarkozining uchinchi sud jarayonidir. 2021 yilda sud uni ikki marta: korruptsiya va mansabdor shaxsga pora berishga urinish moddasi boʻyicha bir yildan uch yilgacha ozodlikdan mahrum qilish (ulardan ikkitasi toʻxtatilgan, bittasi uy qamogʻi), ikkinchisi saylov kampaniyasini noqonuniy moliyalashtirganlik uchun hukm qilgan. Unga koʻra, sobiq prezident bir yil ozodlikni cheklash (olti oy qamoqda, olti oy muddatga toʻxtatilgan) jazosini olgan, biroq hozirda hukm apellyatsiyada. “Zamin” yangiliklarini “Telegram”da kuzatib boring