00:41 / 14.01.2025

Hind kinosi qiroli Shohrux Xon hozirgi kunda qanday koʻrinishda?

^{Foto: Hindustan Times}
Bollivudning eng mashhur aktyorlaridan biri, “Bollivud qiroli” va “Romantika qiroli” sifatida tanilgan Shohrux Xon bugungi kunda ham kino sohasida faol ishlab bormoqda. Hindistonda tugʻilib oʻsgan, ammo millati boʻyicha eronlik boʻlgan aktyor 59 yoshida ham oʻz xarizmasini yoʻqotmagan.

Bir vaqtlar u katta sport bilan shugʻullanmoqchi boʻlgan, lekin oxir-oqibat aktyorlikka boʻlgan muhabbati ustun kelgan. Otasi Mir Taj Muhammad eronlik boʻlib, erkinlik harakati ishtirokchisi boʻlgan, onasi Latif Fatima esa jamiyatda hurmat qozongan ayol edi. Xonning otasi aktyor atigi 16 yosh boʻlganida vafot etgan, ammo onasi oʻgʻlini har tomonlama qoʻllab-quvvatladi. Afsuski, uning onasi ham zaharlanishidan erta vafot etib, oʻgʻlining ishtirokidagi birorta ham filmni koʻrmagan.

^{Foto: The Voice}

^{Foto: The Voice}
Aktyorlik faoliyati esa Shohrux Xonda darhol bosh rol bilan boshlangan. Uning faoliyatidagi “Oʻgʻirlanmagan kelin” filmi butun Hindistonda mashhurlikka erishgan. Tez orada u oʻzini televideniyeda ham sinab koʻrdi va koʻp oʻtmay xalqaro loyihalarga suratga tushirish uchun takliflar ola boshladi.

^{Foto: Variety}
“Om Shanti Om”, “Mening ismim Xon”, “Oʻtkinchi dunyo”, “Sevgi zavqi”, “Vir va Zara”, “Devdas” kabi filmlar va boshqalar Xonni Bollivudning eng asosiy yulduziga aylantirdi.

^{Foto: English Jagran}
Har bir qiz hindistonlik goʻzallarning oʻrnida boʻlishni orzu qilardi. Ammo aktyor hayotda vafodor va oilaparvar insondir. Xon boʻlajak rafiqasi Gauri Chibberni ilk marta 1984 yilda, 18 yoshida doʻstining uyida tashkil etilgan bazmda koʻrgan.

^{Foto: Hindustan Times}
Ular har xil millat va din vakillari boʻlgani sababli koʻplab qiyinchiliklarni engib oʻtishga majbur boʻlgan. Shunga qaramay, juftlik hanuz birga baxtli yashashmoqda. Shohrux Xon va Gauri uch nafar farzandni: oʻgʻillari Aryan va Abram va qizi Suxanani tarbiya qilmoqda. Juftlikning bir-biriga boʻlgan sevgisi, sadoqati, ishonchi, nafaqat kino olamdagi va undan tashqaridagi barcha juftliklar uchun oʻrnak boʻla oladi.

^{Foto: Hindustan Times}
Hayotda ham, ijodda ham oʻzining sadoqati va mehnatsevarligi bilan tanilgan Shohrux Xon 59 yoshda, lekin u hali ham yosh aktyorlar bilan bellasha oladigan darajada tashqi koʻrinish va a'lo darajadagi jismoniy formasini saqlab qolgan.