Rossiya prezidenti Vladimir Putin AQShning yangi prezidenti Donald Tramp bilan suhbatlashishga tayyor. Bu haqda Kreml matbuot kotibi Dmitriy Peskov ma'lum qildi.
«Putin tayyor, biz qoʻngʻiroqni kutmoqdamiz. Qachonki bu sodir boʻlsa, sizlarni xabardor qilamiz», — dedi Peskov TASS agentligiga.
Shuningdek, Rossiya va AQSh prezidentlari oʻrtasidagi ehtimoliy uchrashuv haqida ham Peskov qisqa qilib izoh berdi: «Bu borada hozircha boshqa ma'lumot yoʻq».
Avvalroq OAVda ma'lum qilinishicha, Tramp matbuot bilan muloqot vaqtida Putin bilan uchrashish uchun «zudlik bilan tayyor» ekanini aytgan. Shuningdek, u bu uchrashuvni oʻzi uchun muhim deb hisoblashini ta'kidlagan.
Eslatib oʻtamiz, Putin avvalroq AQShning yangi ma'muriyati bilan Ukraina mojarosini muhokama qilishga tayyorligini bildirgan edi. Donald Tramp esa ushbu masala yuzasidan Kreml rahbari bilan uchrashuvga qiziqish bildirgan.
Peskov shuningdek, Moskva Vashington bilan yadroviy qurollarni qisqartirish boʻyicha muzokaralar oʻtkazishga tayyor ekanini aytdi. Biroq bu jarayonda AQShning ittifoqchilari — Buyuk Britaniya va Fransiyaning yadroviy imkoniyatlari ham hisobga olinishi kerakligini ta'kidladi.
«Muzokaralarni boshlashdan barcha taraflar manfaatdor. Biz bunday jarayonni tezroq yoʻlga qoʻyishga tayyormiz, chunki bu butun dunyo va xalqlarimiz manfaatiga xizmat qiladi», — dedi Kreml vakili. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
