Aktyor Halit Ergench yolgʻon koʻrsatma berganlikda ayblanmoqda

^{Foto: ABC Gazetesi}
Bir necha haftadan beri turk ommaviy axborot vositalari “Muhtasham yuz yil” seriali yulduzi Halit Ergenchning shov-shuvli mojaroga aralashib qolgani haqida xabar bermoqda.

Aktyor turli san'atkorlarning shaxsiy menejeri hisoblangan Ayshe Barimning ishi boʻyicha sudga taklif qilindi. Bu ayol Hande Erchel, Serenay Sarikaya va boshqa mashhur turk yulduzlari bilan hamkorlikda ishlagan.

Ayshe Barim hozirda 12 yil avval boʻlib oʻtgan mamlakat toʻntarilishiga yordam berganlikda va hukumatga qarshi namoyishlarda qatnashganlikda ayblanmoqda. Shuningdek, u Turkiya kino sanoatini yagona monopoliyaga aylantirib, atrofiga muxolif gʻoyalari mavjud boʻlgan aktyor va aktrisalarni toʻplashga uringanlikda ham gumon qilinmoqda.

^{Ayshe Barim
Foto: Birgün Gazetesi}
Shu munosabat bilan mamlakat bosh prokuraturasi Ayshe Barim bilan ishlagan barcha taniqli shaxslarni guvohlik berishga chaqirdi. U bilan hamkorlik qilganlar orasida Halit Ergench ham bor.

Tergovning dastlabki bosqichida aktyor guvoh sifatida soʻroq qilindi. Biroq tez orada vaziyat oʻzgardi: prokuratura uni yolgʻon guvohlik berishda aybladi. Tergov natijalariga koʻra, hukumatga qarshi namoyishlar paytida Halit Ergench va Ayshe Barim yaqin aloqada boʻlgan. Aktyor esa sudda javob berayotgan vaqtda uni oqlashga uringan.

<sup>Gazi bogʻidagi namoyishlar, 2013 yil
Foto: DW

Gazi bogʻidagi namoyishlar, 2013 yil
Foto: ERR</sup>
Avvalroq Halit Ayshening ajoyib inson ekanligiga iymoni komilligini va sud unga nisbatan nohaq ayblov qoʻyishga urinayotganini aytgan edi.

Voqealar bunday tus olishini hech kim kutmagan edi. Endilikda Sulton Sulaymon oldida jiddiy vazifa: oʻzining aybsiz ekanligini isbotlash turibdi. Aks holda aktyor jinoiy javobgarlikka tortilishi mumkin.

Ma'lumot uchun: Ayshe Barim 2013 yilda Istanbuldagi Gezi bogʻida hukumatni agʻdarishga qaratilgan norozilik namoyishlarini uyushtirganlikda ayblanib, joriy yil 27 yanvar kuni hibsga olindi. Turk OAV qayd etishicha, Barim 12 yil avvalgi noqonuniy harakatlarda ishtirok etgani uchun umrbod qamoq jazosiga hukm qilingan Usmon Kavala bilan yaqindan tanish boʻlgan. “Zamin” yangiliklarini “Telegram”da kuzatib boring