AQShning atom aviatashuvchisi savdo kemasi bilan toʻqnashib ketdi

^{Foto: Global Look Press}
AQSh Harbiy-dengiz kuchlari Oltinchi floti bayonotiga koʻra, toʻqnashuv 12 fevral kuni mahalliy vaqt bilan soat 23:46 da, Oʻrta Er dengizida — Port-Said shahri yaqinida (Misr) yuz bergan.

Aviatashuvchi, jumladan, uning dvigatel qismiga shikast etmagan. Holat boʻyicha tergov boshlangan.

MarineTraffic servisi ma'lumotlariga koʻra, Besiktas-M savdo kemasi Panama bayrogʻi ostida suzgan. Kema Port-Saiddan chiqqan va Ruminiyaning Konstantsa portiga ketayotgan boʻlgan.

«Harri Trumen» aviatashuvchisi oxirgi bir yil ichida Yaqin Sharqdagi operatsiyalarda faol ishtirok etdi. 2024 yil dekabrda u Yaman husiylarining savdo kemalariga hujumlari fonida mintaqaga suzib kelgandi.

Oy oxirlarida esa amerikalik harbiylar Qizil dengiz ustida oʻz qiruvchisini urib tushirgani ma'lum boʻlgan edi. «USS Harry S Truman aviatashuvchi zarbdor guruhi tarkibidagi USS Gettysburg raketa kreyser tasodifan zarba berib, USS Harry S Truman aviatashuvchisidan havoga koʻtarilgan F/A-18 Hornet samolyotini urib tushirdi», — deyilgandi xabarda. “Zamin” yangiliklarini “Telegram”da kuzatib boring