Tramp ijtimoiy tarmoqdagi postida oʻzini «qirol» deb atadi

AQSh prezidenti Donald Tramp oʻzini «qirol» deb atadi, chunki oʻz ma'muriyati Nyu-York shahridagi «tirbandlik toʻlovini» bekor qilganini e'lon etdi.

^{Foto: X/WhiteHouse}
«Tirbandlik toʻlovi yoʻqoldi. Manhetten va butun Nyu-York qutqarildi. Yashasin, bizning qirolimiz!», deb yozdi Tramp oʻzining Truth ijtimoiy tarmogʻida.

Ushbu bayonotdan soʻng, Oq uyning rasmiy akkaunti Trampni boshida toj kiygan qirol sifatida tasvirladi.

Tramp va Oq uyning «qirol» haqidagi postlari ijtimoiy tarmoqlarda muhokama mavzusiga aylandi.