Ukrainada zonaviy taqsimot? AQSH vakillaridan zid fikrlar

AQSH prezidenti Donald Trampning Ukraina va Rossiya bo‘yicha maxsus vakili Kit Kellog Britaniyaning The Times nashriga bergan intervyusida agar o‘t ochish to‘xtatilsa, Ukraina hududida bir nechta nazorat zonalari tashkil etish mumkinligini taklif qildi.

“Bu xuddi Ikkinchi jahon urushidan so‘ng Berlindagi kabi: ruslar, fransuzlar, britaniyaliklar va amerikaliklar zonalari bo‘lgani kabi”, — dedi general Kellog.

Ushbu taklif nima degani?

Kellogga ko‘ra:

• Britaniya va Fransiya qo‘shinlari Ukraina armiyasi bilan birgalikda G‘arbiy Ukraina va Dnipro daryosigacha bo‘lgan hududda ta’minot kuchlari sifatida joylashadi;
  
• Ukraina Shimoli va Sharqidagi Sumi, Xarkiv, Dnipropetrovsk va Zaporijjya — Ukraina nazoratida;
  
• Rossiya bosib olgan hududlar — Rossiya nazoratida qoladi;
  
• Rossiya va Ukraina o‘rtasida 30 kmli demilitarizatsiya hududi yaratiladi.
  

Kellog ta’kidladi: “Ukraina yetkazishni ta’minlay oladigan darajada katta mamlakat. Hatto bir necha armiyani ham.”

Zelenskiy rozimi?

Yo‘q. Ukraina prezidenti Volodimir Zelenskiy hududiy yon berishni rad etgan. Rossiya Donetsk, Luhansk, Xerson va Zaporijjyani to‘liq nazorat qilish va Ukrainadan NATOdan voz kechishni talab qilmoqda.

Stiv Uitkoff nima dedi?

AQSH prezidentining Yaqin Sharq bo‘yicha vakili Stiv Uitkoff Trampga ma’lum qilgan: “Urushni to‘xtatishning eng tez yo‘li — 2022 yilda Rossiya anneksiya qilgan to‘rt hududni Rossiyaga berish.”

Bu fikr Uitkoffning Vashingtonda Rossiya prezidentining maxsus vakili Kirill Dmitriyev bilan uchrashuvidan keyin ilgari surilgan.

Kellog – Uitkoff bahsi va Tramp ma’muriyatidagi ixtilof

Kellog Tramp bilan uchrashuvda Uitkoffning pozitsiyasiga qarshi chiqqan. Uning fikricha, Ukraina:

ayrim shartlarga rozi bo‘lishi mumkin, lekin hech qachon ushbu hududlarni Rossiyaga to‘liq va bir tomonlama bermaydi.

The Times va Reuters manbalari ma’lum qildi:

• Kellogning rejasi “Ukraina parchalanishi” deb tanqid qilindi;
  
• Kellog buni rad etdi va “bu faqat hududiy javobgarlik zonalari”, dedi.
  

Shu bilan birga, Tramp ma’muriyati ichida keskin kelishmovchiliklar mavjud:

• Uitkoff — Rossiyaga moyil, deb baholanmoqda;
  
• Kellog — Ukrainaning yaqin himoyachisi sifatida tilga olinmoqda.
  

“Zamin”ni Telegramʻda oʻqing!