Eron muzokara taklif qilmoqda, Isroil esa hujumga tayyorlanmoqda

Yaqin Sharqda keskinlik yana avj olmoqda. Eron Tashqi ishlar vaziri Abbos Arokchining bayonotiga ko‘ra, Tehron yadroviy qurolga ega bo‘lmaslikni kafolatlovchi xalqaro bitim tuzishga tayyor. Unga ko‘ra, agar Isroil Eron hududiga hujumlarini to‘xtatsa, Eron ham harbiy javob harakatlarini to‘xtatadi.

Arokchi bayonotida Eron mintaqada barqarorlikni saqlash tarafdori ekanini alohida ta’kidlab o‘tdi. Shu bilan birga, u harbiy mojarolardan voz kechish yo‘lida diplomatik muzokaralarni davom ettirish zarurligini urg‘uladi.

Biroq hozircha Isroil tomoni bu taklifga rasmiy munosabat bildirmadi. Aksincha, yahudiy kuchlari Eron harbiy infratuzilmasi yaqinidagi hududlarda joylashgan harbiy va fuqarolik obyektlarni tark etishni qat’iy talab qilmoqda. Isroil armiyasi fors tilida yozilgan bayonot orqali, har qanday harbiy obyekt yaqinida bo‘lish hayot uchun xavfli ekani haqida ogohlantirdi.

“Harbiy qurol ishlab chiqaruvchi zavodlar va ularning atrofida joylashgan har qanday shaxslar bu hududlarni darhol tark etishlari, shuningdek, keyingi buyruqqacha qaytmasliklari lozim. Bu joylarda bo‘lish hayotingizni xavf ostiga qo‘yadi”, — deyiladi Isroil armiyasining ijtimoiy tarmoqlardagi rasmiy sahifasida.

Mintaqadagi holat tobora murakkablashar ekan, xalqaro kuzatuvchilar har ikki tomonning qarorlarini sinchkovlik bilan kuzatmoqda. Diplomatik yo‘l bilan kelishuvga erishish mintaqa va dunyo tinchligi uchun muhim ahamiyat kasb etadi.

Zamin.uz tahririyati voqealarning rivojini diqqat bilan kuzatishda davom etadi va sizni eng so‘nggi yangiliklar bilan xabardor qilib boradi. “Zamin”ni Telegramʻda oʻqing!