Suriyadagi mudom notinch mintaqalardan biri – Suvayda viloyatida kutilmagan o‘zgarish ro‘y berdi. Mamlakat muvaqqat hukumati vakillari xabar berishicha, qabila kuchlari ushbu viloyatning markazi hisoblangan Suvayda shahrini to‘liq tark etgan. Bu haqda ichki ishlar vazirligi rasmiysi Nuriddin al-Baba ma’lum qildi.
Uning aytishicha, vaziyatni barqarorlashtirish va qon to‘kilishining oldini olish maqsadida Suriya Ichki ishlar vazirligi tomonidan olib borilgan muzokaralar va bosimlar o‘z samarasini berdi. Oqibatda, qabila kuchlari orqaga chekinishga majbur bo‘lishdi va shahar hozirda hukumat nazoratiga o‘tkazilgan.
Shu bilan birga, vazirlik rasmiylarining ta’kidlashicha, hukumatga qarashli kuchlar Suvayda viloyatining shimoliy va g‘arbiy hududlariga joylashtirilgan. Bu esa xavfsizlik choralarini kuchaytirish hamda mintaqaga tinchlik va barqarorlikni tiklashga qaratilgan navbatdagi qadam sifatida baholanmoqda.
Suvayda viloyatidagi bu yangilik nafaqat mamlakat ichida, balki xalqaro siyosiy tahlilchilar e’tiborida ham turibdi. Chunki bu hududdagi kabi qudratli qabila tuzilmalarining chekinishi o‘sha yerdagi qudrat muvozanatini tubdan o‘zgartiradi.
Mutaxassislar fikricha, vazirlik tomonidan amalga oshirilgan strategik muzokaralar va kuchlar joylashuvi orqali hukumat nafaqat shaharni, balki butun mintaqadagi nazoratni mustahkamlamoqda.
Ayni damda barcha nigohlar hukumatning keyingi qadamiga qaratilgan. Qabila kuchlarining qay darajada to‘liq chekingani, ularning kelajakdagi harakatlari va hukumatning hududni nazorat qilishga oid strategik rejalari – bularning barchasi yaqin haftalarda aniq bo‘ladi. Bir narsa aniq: Suvaydada yangi siyosiy muvozanat shakllanmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
