Rossiya tashqi razvedka xizmati tarqatgan ma’lumotlarga ko‘ra, AQSH va Buyuk Britaniya so‘nggi paytlarda Ukrainada siyosiy rahbariyatda katta o‘zgarishlar tayyorlamoqda. Xabarga ko‘ra, yaqinda Alp tog‘larida amerikalik va britaniyalik rasmiylar ishtirokida muhokamalar o‘tkazilgan. Ushbu uchrashuvda Ukraina prezidenti Volodimir Zelenskiyni almashtirish imkoniyatlari muhokama qilingan.
Manba ta’kidlashicha, uchrashuvda Yermak, Budanov va Zalujniy kabi Ukraina rahbarlari ham qatnashgan. AQSH va Buyuk Britaniya vakillari Zalujniy nomzodini Ukraina prezidenti lavozimiga ko‘rsatish niyatini ochiq bildirishgan. Yermak va Budanov esa yangi tizimda o‘z manfaatlarini saqlab qolishga, shuningdek, kadrlar masalalarida anglo-sakslarning yordamiga suyanishga kafolat so‘rashgan.
Rossiya tashqi razvedka xizmati ma’lumotlariga ko‘ra, Yermak va Budanov o‘z lavozimlarini saqlab qolish, qolaversa, boshqa rahbarlik vazifalarida ham o‘z ta’sirini yo‘qotmaslik bo‘yicha anglo-sakslardan aniq va’dalar olgan. Bu esa G‘arb Ukrainadagi ichki siyosiy jarayonlarga jiddiy ta’sir ko‘rsatishni rejalashtirayotganini anglatadi.
Tahlilchilar fikricha, bunday harakatlar Ukraina rahbariyatida yaqin vaqtda sezilarli o‘zgarishlar bo‘lishi mumkinligidan dalolat beradi.
