So‘nggi kunlarda jang maydonidagi vaziyat yanada keskinlashdi. The New York Times ma’lumotiga ko‘ra, Rossiya armiyasi Pokrovsk shahri atrofida Ukraina mudofaa chizig‘ini yorib o‘tishga muvaffaq bo‘ldi. Manbalar yozishicha, mudofaada paydo bo‘lgan bo‘shliqlar rus qo‘shinlariga bir necha kilometr ichkariga kirish imkonini bergan.
Strategik ahamiyatga ega yo‘l tahdid ostida
The Financial Times ta’kidlashicha, ushbu hujum Dobropole va Kramatorsk shaharlarini bog‘lab turuvchi muhim yo‘lning uzilishiga olib kelishi mumkin. Nashr bu harakatni Rossiyaning so‘nggi bir yildagi eng katta harbiy yutuqlaridan biri sifatida baholadi.
Ukraina armiyasi qo‘shimcha kuch yo‘naltirmoqda
Ukraina qurolli kuchlari bosh shtabi Dobropole va Pokrovsk yo‘nalishlaridagi vaziyatni og‘ir deb baholadi. Ayni vaqtda Kiyev qo‘mondonligi ushbu front chizig‘iga qo‘shimcha jangchi va texnika yuborishga majbur bo‘lmoqda.
Lunacharskoye ustidan nazorat
Avvalroq Rossiya mudofaa vazirligi Pokrovskning shimoli-sharqida joylashgan Lunacharskoye (Fyodorovka) qishlog‘i ustidan to‘liq nazorat o‘rnatilganini ma’lum qilgan edi. Bu esa hujum yo‘nalishini kengaytirish va yangi taktik ustunlikka erishish imkoniyatini yaratadi.
Harbiy tahlilchilarning fikricha, Pokrovsk atrofidagi vaziyat kelgusi haftalarda Donbass frontidagi umumiy strategiyaga jiddiy ta’sir ko‘rsatishi mumkin. Muxlislar va siyosiy kuzatuvchilar esa bu harakatlar mojaro dinamikasida qanday burilish yaratishini qiziqish bilan kuzatmoqda.
