Yangi Zelandiyada tarixda ilk bor harbiy xizmatchi chet el manfaati yo‘lida josuslik qilishga uringanlikda ayblandi. Bu haqda Pravilamag xabar tarqatdi.
Sud jarayonida ma’lum bo‘lishicha, askar o‘zini «faqatgina mamlakatni tark etib, xavfsizlik deb hisoblagan narsaga erishmoqchi bo‘lgani»ni aytdi. Uning so‘zlariga ko‘ra, bu uning yagona maqsadi bo‘lgan.
Tergov askar xizmatni tashlab ketish niyati borligi ma’lum bo‘lgach boshlangan. Bu esa 2019 yilda Kraystcherchda sodir etilgan qonli hujumdan so‘ng politsiya o‘ta o‘ng qarashli guruhlarga qarshi kurashni kuchaytirgan davrga to‘g‘ri kelgan.
Ma’lumotlarga ko‘ra, u xizmatdan chiqish jarayonida hukumat tomonidan nazorat qilinadigan shaxs bilan bog‘langan. Mazkur shaxs o‘zini ofitser sifatida tanishtirib, askar bilan muloqotni yo‘lga qo‘ygan. Suhbat chog‘ida ayblanuvchi unga turli maxfiy ma’lumotlarni — harbiy inshootlar xaritalari va fotosuratlarini taqdim etishga tayyorligini bildirgan. Shuningdek, u armiya bosh shtabiga yashirin qurilma olib kirish mumkinligini ham aytgan.
Askarning uyini ko‘zdan kechirish paytida politsiya og‘ir o‘q-dorilar, Kraystcherchdagi qo‘rqinchli qirg‘in aks etgan videoyozuvlar hamda radikal g‘oyalar yozilgan manifestni topgan. Sudda u «Action Zealandia» va «Dominion Movement» kabi o‘ta o‘ng tashkilotlar a’zosi ekanini tan oldi, biroq ularning terrorchilikka aloqadorligini rad etdi.
Sud hozirda uni aybdor deb topdi, jazo chorasi esa yaqin kunlarda e’lon qilinadi.
Ta’kidlash joizki, bu mamlakat tarixidagi ikkinchi shunday holatdir. 1975 yilda davlatga xiyonatda ayblangan sobiq amaldor oqlangan edi.
“Zamin”ni Telegramʻda oʻqing!
